Душанбе. 29-уми июн. «Азия-Плюс» — | Дар ҷараёни баргузории чорабиниҳои муштараки  фаврӣ-ҷустуҷӯйии кормандони Раёсати Агентии назорати маводи нашъаовар дар ВМКБ ва марзбонон дар километри 9-уми роҳи мошингарди Хоруғ-Ишкошим як пинҳонгоҳи маводи мухаддир дарёфт шуд.

Тавре ба ОИ «Азия-Плюс» аз шӯъбаи робита бо ҷомеаи Агентии назорати маводи нашъаовар хабар доданд, пинҳонгоҳ бо кӯмаки саги хидматӣ ошкор гардида, аз он 19,2 кило маводи мухаддири навъи ҳашиш ва 1,9 кило героин дарёфт шудааст.

Зикр гардид, ки аз рӯйи ин далел парвандаи ҷиноӣ боз гардида, айни замон бобати муайян кардани афроди дар ин ҷиноят дастдошта тадбирҳо андешида мешаванд.