Ҳукумати Тоҷикистон ният дорад, ки занону кӯдакони дар паноҳгоҳҳои Сурия қарордоштаро ба Ватан баргардонад.
Бино ба иттилои Вазорати корҳои хориҷии ҶТ, ин масъала дар мулоқоти сафири Тоҷикистон дар Давлати Кувайт Зубайдулло Зубайдзода бо муовини аввали вазири корҳои хориҷии Ҷумҳурии Арабии Сурия Файсал ал-Миқдод баррасӣ шудааст. Дар ин вохӯрӣ сардорони раёсатҳои Осиё, консулӣ, ташрифот ва созмонҳои байнулмилалии Вазорати корҳои хориҷии он кишвар низ ҳузур доштаанд.
Гуфта мешавад, масъалаи муайян кардани шахсияту шумораи шаҳрвандони мо дар Сурия ва роҳҳои баргардонидани онҳо ба Ватан мавзӯи меҳварии ин мулоқот буд. Зимнан густариши ҳамкориҳои миёни ду кишвар дар соҳаҳои гуногун, аз ҷумла, мубориза бо терроризму экстремизм бо назардошти таҷрибаи фаровони он кишвар дар ин самт мавриди баррасии ҷонибҳо қарор гирифта, атрофи вазъияти минтақаи Ховари Миёна табодули афкор сурат пазируфт.
Ёдрас мекунем, аввали моҳи августи соли ҷорӣ вазири корҳои хориҷии Тоҷикистон Сироҷиддин Муҳриддин иттилоъ дода буд, ки дар паноҳгоҳҳои Сурия 86 зану 468 нафар кӯдакони тоҷик ва дар зиндонҳои Ироқ 43 зану 1 кӯдаки тоҷик нигаҳдорӣ мешаванд.
Марҳабо Олимӣ, муовини раиси Кумитаи кор бо занон ва оилаи назди ҳукумати Тоҷикистон дар нишасти хабарӣ аз рӯйи натиҷаҳои шашмоҳаи аввали соли ҷорӣ изҳор дошт, ки мақомоти Тоҷикистон талоши овардани 158 зан аз зиндонҳои хориҷро доранд. Ба иттилои ӯ, аз шумори занон 90 нафарашон дар зиндонҳои Русия, 48 нафар дар давлатҳои Сурияву Ироқ ва боқимонда дар Чин ва Туркия қарор доранд.
Қобили зикр аст, ки бо дастгирии ҳукумати Тоҷикистон ва дар ҳамкорӣ бо ҳамаи ниҳодҳо рӯзи 30-юми апрели соли равон 84 нафар кӯдакон тавассути ҳавопаймои махсус аз Бағдод ба Душанбе баргардонида шуданд.
Инҳо кӯдакони ҷангиёни тоҷики узви гурӯҳҳои ифротӣ мебошанд, ки дар урдугоҳ ва ё зиндонҳои Ироқ қарор доштанд. Бархе аз онҳоро волидон ҳамроҳашон ба Ироқ бурда, кӯдакони дигар дар ҳамон ҷо ба дунё омадаанд. Падарони аксари онҳо кушта шуда, модаронашон барои ҳамдастӣ бо такрибкорон дар зиндонҳои Ироқ қарор доранд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста