Мақомоти Тоҷикистон талоши овардани 158 зан аз зиндонҳои хориҷро доранд. Дар ин бора Марҳабо Олимӣ, муовини раиси Кумитаи занон дар нишасти хабарӣ иттилоъ дод.
Ба иттилои мавсуф, аз шумораи занон 90 нафарашон дар зиндонҳои Русия, 48 нафар дар давлатҳои Сурияву Ироқ ва боқимонда дар Чин ва Туркия қарор доранд.
Гуфта мешавад, ки заноне, ки зар зиндонҳои Сурия ва Ироқ қарор доранд бо ҷурми пайвастан ба гурӯҳҳои тундрав ва ҳамзистӣ бо ҷангҷӯёни “Гурӯҳи Исломӣ” гунаҳгор дониста мешаванд. Аммо ба гуфтаи Марҳабо Олимӣ, Давлати Тоҷикистон ва гурӯҳи корӣ талош дорад, ки бегуноҳии ин занонро исбот намоянд, ки онҳо ҷабрдида ҳастанд.
- Бештари заноне, ки дар зиндонҳои Сурия ва Ироқ қарор доранд на гунаҳгор, балки ҷабрдида ҳастанд ва бештари онҳо ба ҳабси абад маҳкум шудаанд. Чун ин занон аз пайи шавҳар ё бо хоҳиши онҳо ба ин давлатҳо рафтаанд. Ҳоло талош дорем, ки бегуноҳии занон исбот гардад ва онҳо аз зиндонҳои Сурия ва Ироқ озод шуда, ба Тоҷикистон баргардонида шаванд. Ҳамчунин моддаҳое, ки ин занон маҳкуманд, сабук карда шаванд, - илова кард Марҳабо Олимӣ.
Ҳамчунин қайд гардид, ки дар муассисаи ислоҳии занонаи шаҳри Норак 300 нафар занон қарор доранд, ки ҷиноятҳои гуногуни содир намудаанд ва намояндагони Кумитаи кор бо занон ва оила соле ду маротиба бо онҳо дидору суҳбатҳо мегузаронанд.
Инчунин раиси Кумитаи занон Идигул Қосимзода низ дар нишаст иброз намуд, ки баъди аз маҳбас озод шудани занон намояндагони кумита бо онҳо ҳамеша дар робита буда, аз кору фаълияти онҳо огоҳӣ доранд. Ва ҳатто ду маҳбус бо грантҳои президентӣ сарфароз гардида, соҳибкорони муваффақ мебошанд.
Ёдрас мекунем, ки бо дастгирии ҳукумати Тоҷикистон ва дар ҳамкорӣ бо ҳамаи ниҳодҳо рӯзи 30 апрели соли равон 84 нафар кӯдакон тавассути ҳавопаймои махсус аз Бағдод ба Душанбе баргардонида шуданд.
Инҳо кӯдакони ҷангиёни тоҷики узви гурӯҳҳои ифротгароӣ мебошанд, ки дар урдӯгоҳ ва ё зиндонҳои Ироқ қарор доштанд. Бархе аз онҳоро замоне волидон ҳамроҳашон ба Ироқ бурда, чандеи дигар аллакай дар ҳамон ҷо ба дунё омадаанд. Падари аксарияти онҳо кушта шуда, модаронашон барои ҳамдастӣ бо террористон дар зиндонҳои Ироқ қарор доранд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста