Рӯзҳои истироҳати гузашта дар Ботканд ҷаласаи навбатии Комиссияи байниҳукуматии Тоҷикистону Қирғизистон оид ба таъин ва аломатгузорӣ дар сарҳади давлатии кишварҳо баргузор шуд.
Дар ҷаласа таҳти раёсати сарвазирони кишварҳо Азим Иброҳим ва Акрам Мадумаров бори нахуст дар таърихи муносибатҳои дуҷонибаи Тоҷикистону Қирғизистон доир ба ивази мутақобилаи 23 гектар замин дар қитъаҳои баҳсноки сарҳад созиш ҳосил шуд.
“Ҳамин тариқ, метавон гуфт, ки ба ҳалли баҳсҳои тӯлонӣ дар мавриди қитъаҳои сарҳад оғоз бахшида шуд”, - хабар дод ба “Азия-Плюс” як манбаъи наздик ба ҳайати Тоҷикистон дар гуфтушунидҳо.
Ба гуфтаи манбаъ, нисфи қаламрави барои иваз пешбинишуда ба Тоҷикистон ва нисфи дигари боқимондааш ба Қирғизистон тааллуқ дорад.
Дар бораи ивази маҳз кадом қитъаҳо дар қаламрави давлатҳо маълумоти мушаххас пешниҳод нагардид.
Дар гуфтушуниди Ботканд ҷонибҳо дар бораи ҳамкории минбаъда оид ба масъалаи таъин ва аломатгузорӣ дар сарҳади давлатии кишварҳо протокол ба имзо расониданд. Вохӯрии навбатии муовинони сарвазирони кишварҳо оид ба ин масъала охири моҳи марти соли ҷорӣ доир мегардад.
Дар Ботканд ҳамчунин Нақшаи ҳамкории байни вилоятҳои Суғди Тоҷикистон ва Ботканди Қирғизистон дар соли ҷорӣ имзо шуд. Дар нақша рушди робитаҳои мутақобилаи чонибҳо дар соҳаҳои иқтисоду фарҳанг ва маориф, инчунин ҳамкориҳои наздимарзӣ пешбинӣ шудааст.
Қобили зикр аст, ки Тоҷикистон ва Қирғизистон 976 километр марзи муштарак доранд, ки танҳо 504 километри он (60%) аломатгузорӣ шудааст. Дар ин ҳолат 472 километри дигари сарҳади давлатии миёни ду кишвар номуайян боқӣ мемонад. Ин ҳолат боиси баҳсу муноқишаҳои зиёд миёни сокинони минтақаҳои наздисарҳадӣ мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста