Дар 10 рӯз нақшаи даъвати баҳории ҳарбӣ дар тамоми ҷумҳурӣ 40 дарсад иҷро шудааст. Дар ин бора аз Вазорати дифои Тоҷикистон хабар медиҳад. То кунун танҳо ВМКБ нақшаро дар рӯзи аввали даъват беш аз сад дар сад иҷро кардааст.
Манбаъ менависад, ки дар ин давра вилояти Хатлон 40 дарсади нақшаро иҷро кардааст. Ноҳияҳои Шамсиддин Шоҳин, Носири Хусрав ва Фархор аллакай нақшаи даъвати ҳарбиро пурра иҷро кардаанд.
- Вилояти Суғд 27 дарсад, шаҳру ноҳияҳои тобеи марказ 47,3 дарсад (ноҳияҳои Лахш, Нуробод, Рашт, Сангвор ва Тоҷикобод нақшаро сад дарсад иҷро кардаанд) ва шаҳри Душанбе 42 дарсад нақшаи даъвати ҳарбиро иҷро кардаанд,- хабар медиҳад Вазорати дифоъи Тоҷикистон.
Бояд гуфт, ки дар рӯзи якуми маъракаи даъвати ҳарбӣ, ВМКБ нақшаи даъвати ҳарбиро сад дарсад иҷро намуда буд.
Иҷрои то 40 дарсади нақшаи даъвати ҳарбӣ дар ҳолест, ки тайи чанд рӯзи охир навори боздошти ҷавонон дар кӯчаву бозор ва фурудгоҳҳо пахш мешавад, ки ба гуфтаи корбарони шабакаҳои иҷтимоӣ “облава” ё ҷалби иҷбории ҷавонон ба артиш аст.
Ёдовар мешавем, ки 1 апрел дар Тоҷикистон маъракаи даъвати баҳорӣ ба хизмати ҳатмии ҳарбӣ дар сафи Қувваҳои мусаллаҳи ҷумҳурӣ оғоз гардид.
Ҳомиёни ҳуқуқи инсон мегӯянд, бо оғози даъвати ҳарбӣ дар Тоҷикистон ҳолатҳои бо пора озод намудани даъватшавандаҳо аз хизмати ҳарбӣ бештар мешавад. Аз ҷумла, дар рӯзи чоруми даъвати баҳории имсол, Оҷонсии мубориза бо фасод аз боздошти як мансабдори баландмақоми Гвардияи миллии Тоҷикистон хабар дод, ки бо талаби 25 ҳазор сомонӣ барои ғайри қобили хидмат донистани даъватшаванда гумонбар мешавад.
Масъалаи ҷалби ҷавонон ба хидмати ҳарбӣ дар Тоҷикистон яке аз мавзуъҳои доғ аст ва ҳамасола дар давраи даъват ба хидмат мавридҳои зиёди ҷалби иҷборӣ ҳам ба назар мерасад, ки дар миёни мардум бо номи "облава" маъруф шудаанд.
Мақомот ҳамеша ба набудани "облава" таъкид карда, мегӯянд, ҷавонони баъди гирифтани даъватнома агар ба комиссариати ҳарбӣ ҳозир нашаванд, пулис ҳақ дорад, онҳоро зӯран ҳозир кунад. Вале бино ба наворҳои зиёде дар шабакаҳои иҷтимоӣ кормандони мақомот дар либоси шаҳрвандӣ ҷавононро аз кӯчаҳо дошта, ба артиш мебаранд.
Дар Тоҷикистон соли 2020 ба қонун "Дар бораи уҳдадориҳои ҳарбӣ ва хидмати ҳарбӣ" тағйирот ворид шуд, ки ба ҷуз донишҷӯёни зиннаи таҳсили бакалавр, муҳассилини давраи магистратураро низ ба хидмат мебаранд. То ин вақт ин категорияи муҳассилин аз хидмат озод буданд. Роҳандозии хидмати алтернативиро иддае як роҳи қонунии халосӣ аз артиш арзёбӣ мекунанд. То ба ҳол беш аз 450 ҷавон бо супоридани пул аз хидмат озод шуданд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста