Намояндаи Созмони амнияту ҳамкории Аврупо оид ба масоили озодии ВАО Дуня Миятович изҳор кард, ки ӯ қазияи рӯзноманигорони тоҷик Маҳмадюсуф Исмоилов ва Ӯрунбой Усмоновро пайгирӣ дорад. Ӯ изҳори умедворӣ намуд, ки ояндаи наздик рӯзноманигорон ба иҷрои вазифаҳои касбии худ мепардозанд.
Тавре ба ОИ «Азия-Плюс» аз намояндагии Дафтари Созмони амнияту ҳамкории Аврупо дар Тоҷикистон хабар доданд, Миятович беқаророна сафараш ба Тоҷикистон ва мулоқот бо ҳукуматдорон, аҳли ҷомеа ва намояндагони васоити ахбори умуми ҷумҳуриро интизорӣ дорад.
«Ман хабари озодии Маҳмадюсуф Исмоилов ва Ӯрунбой Усмоновро бо қаноатмандӣ пазируфтам, вале он, ки рӯзноманигорон барои инъикоси мустақили рӯйдоди барои ҷомеа муҳим маҳкум шудаанд, боиси нигаронӣ аст ва умедворам, ки шикояти овардаи онҳо аз болои ҳукуми додгоҳ муваффақона анҷом мепазирад ва тамоми айбҳои онҳо бекор хоҳад шуд», - гуфта мешавад дар изҳороти Миятович.
Ёдрас мекунем, ки рӯзи 14-уми октябр додгоҳи шаҳри Хуҷанд рӯзноманигори ҳафтавори «Нури зиндагӣ» Маҳмадюсуф Исмоиловро дар тӯҳмат ва барангехтани «низои маҳалгароӣ» гунаҳкор донист. Рӯзноманигор аз моҳи ноябри соли 2010 дар боздоштгоҳ қарор дошт ва тибқи ҳукми додгоҳ дар ҳаҷми 35 ҳазор сомонӣ (5,4 ҳазор Евро) ҷаримабандӣ гардида, дар муддати се соли минбаъд ба фаъолияти рӯзноманигорӣ даст заданаш манъ шуд.
Худи ҳамон рӯз дар минтақаи шимоли кишвар хабарнигори Би-Би-Сӣ Ӯрунбой Усмонов барои иштирок дар кори созмони фаъолияташ манъшуда ба муддати се сол аз озодӣ маҳрум карда шуд, вале бинобар қонуни афв озод карда шуд.
Ҳар ду рӯзноманигор айбҳои ба онҳо пешниҳодшударо рад сохта, ҳалномаи додгоҳро дубора мавриди баррасӣ қарор доданианд.
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Кулли ахбор
Авторизуйтесь, пожалуйста