Дар пойтахти Тоҷикистон тахриби яке аз биноҳои қадимтарини шаҳри Душанбе, ки муддати 64 соли ахир дар он мактаби таҳсилоти умумии №8 амал мекард, оғоз гардид.
Тавре ба ОИ «Азия-Плюс» аз мақомоти шаҳрдории пойтахт хабар доданд, дар ҷойи он мактаби муосири замонавӣ бунёд гардида, айни замон омӯзгорону толибилмони мактаби мазкур ба бинои мактаби рақами 70-и ноҳияи Исмоили Сомонии шаҳри Душанбе кӯчонида шудаанд.
Сардори шуъбаи нозироти техникӣ оид ба иншооти соҳаи маорифи Раёсати сохтмони асосии ш.Душанбе Шарифхон Сафаров дар робита ба ин масъала изҳор кард, ки бинои нави мактаб охири соли 2013 ба истифода дода хоҳад шуд. Бинои нави мактаб барои таҳсили 1354 нафар хонандагон пешбинӣ шудааст.
«Аз рӯйи лоиҳа мактаб аз 6 қисмат – як бинои 3-ошёна ва панҷ бинои 4-ошёна иборат аст, ки дорои 64 синф хоҳад буд. Биноҳо бо таҷҳизоти зарурӣ таъмин мегарданд. Ба гунаи мисол,дар 7 синфи компютерӣ 102 компютер насб хоҳад шуд», - иброз дошт вай.
Ш.Самиев ҳамчунин гуфт, дар бинои нави мактаб ду толори варзиш, ошхона бо 190 ҷойи нишаст, маҷлисгоҳ барои320 нафар ва ҳавзи шиноварӣ (26х11 метр) бунёд хоҳад шуд. «Майдони варзишии мавҷудаи мактаб ба тарзи замонавӣ таҷдид хоҳад гардид», - афзуд номбурда.
Қобили зикр аст, ки бинои пешинаи мактаб солҳои 30-юми қарни гузашта сохта шуда буд. Солҳои Ҷанги Бузурги Ватанӣ дар бинои мактаб госпитали ҳарбӣ амал мекард. Соли 1948 дар ин бино мактаби таҳсилоти умумӣ ҷойгир шуда, замони шӯравӣ он яке аз мактабҳои бонуфузи ҷумҳурӣ маҳсуб меёфт.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста