Рӯзи 12-уми июн дар Китобхонаи миллии Тоҷикистон маросими ифтоҳи гӯшаи Муҳаммадҷон Шакурӣ доир гардид, ки дар он китобхонаи шахсии академик ҷой дода шудааст.
Котиби матбуотии Китобхонаи миллии ҷумҳурӣ Фотима Яъқубова ба «Азия-Плюс» дар ин робита иттилоъ дод, ки дар маросими ифтитоҳи гӯша беш аз 100 нафар – олимон, дӯстон, шогирдон ва аҳли оилаи Шакурӣ ҳузур доштаанд.
«Гӯшаи китобхонаи шахсии академик Шакурӣ бо ташаббуси ҳамсари ӯ Дилафрӯз Икромӣ таъсис дода шуд, ки духтари нависандаи маъруфи тоҷик Ҷалол Икромӣ мебошад. Айни замон дар толори «Таҳқиқоти илмӣ»-и китобхона 8 гӯшаи китобхонаҳои шахсии академикҳо, аз ҷумла Михаил Боголюбов, Аҳрор Мухторов, Фозил Тоҳиров, Раҷаб Амонов, Талбак Назаров, Раҳими Мусулмониён ва Баҳриддин Исматов ташкил карда шудаанд», - иброз дошт сухангӯи китобхона.
Ба қавли ӯ, феълан гӯшаи китобхонаи шахсии Муҳаммадҷон Шакурӣ дорои беш аз 8 ҳазор нусха китобу маҷалла мебошад, ки миёни дигар гӯшаҳо аз ҳама ғанитару сершумортар аст. «Ҳамсари академик зимни суханронаш зикр кард, ки дар шӯрои оилавӣ бобати ба китобхона тақдим кардани осори Шакурӣ тасмим гирифта шуда, фарзандони олим низ онро бо хушнудӣ истиқбол кардаанд», - гуфт Яъқубова.
Зимнан зикр гардид, ки ба ҷуз маросими расмии гӯшаи китобхонаи шахсии академик, ҳамчунин ҳамин рӯз чорабинии шоми ёдбуди Шакурӣ низ доир гардидааст.
Ёдрас мекунем, ки Муҳаммадҷон Шакурӣ пас аз бемории тӯлонӣ 16-уми сентябри соли 2012 дар шаҳри Душанбе дар синни 87-солагӣ аз олам даргузашт. Муҳаммадҷон Шакурӣ тӯли шаст соли кораш дар Пажӯҳишгоҳи забон ва адабиёт даҳҳо асару садҳо мақола дар мавриди адабиёти муосир, классикӣ ва забони тоҷикӣ навиштааст. Тӯли умри пурбаракаташ устод 44 китоб ва бештар аз 500 мақола таълиф кардааст.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста