Сафири ИМА дар Тоҷикистон Элизабет Миллард ва раиси ноҳияи Ҷайҳун Файзулло Аминзода дар маросими ифтитоҳи расмии беморхона дар деҳаи Тавилдараи ноҳияи Ҷайҳуни вилояти Хатлон ширкат намуданд.
Беморхонаи деҳаи Тавилдара, ки сохтмонаш соли 2015 шурӯъ шудааст, лоиҳаи Гурӯҳи робита бо маъмурияти шаҳрвандӣ ва аҳолии назди Сафорати ИМА буда, мақсад аз он ироаи хидматрасонии тиббӣ ба тақрибан 1200 сокини ин русто мебошад, ки аксарашон аз ноҳияи Тавилдара баъд аз зилзилаи соли 2012 ба ин минтақа кӯчонида шудаанд. Беморхонаи мазкур ягона муассисае мебошад, ки ба мардуми ин маҳал хизмати тиббӣ мерасонад. Қабл аз бунёди ин иншооти нав сокинони деҳа маҷбур буданд қариб ним соат вақт барои расидан ба наздиктарин беморхонаи воқеъ дар шаҳраки Дустӣ сарф кунанд.
Зарурати беҳтар сохтани дастрасӣ ба хизматрасонии тиббӣ барои сокинони деҳоти ноҳияи Ҷайҳун дар натиҷаи омӯзиши эҳтиёҷоти онҳо аз ҷониби кормандони Гурӯҳи робита бо маъмурияти шаҳрвандӣ ва аҳолии назди Сафорати ИМА бо дастгирии намояндагони ҳокимияти маҳаллӣ ва намояндагони гурӯҳи рушди ноҳия ба вуҷуд омад. Омӯзиши эҳтиёҷот тавассути мулоқот ва таҳқиқу сафарҳо аз ҷониби кормандони Сафорати ИМА ва намояндагони ҳокимияти маҳаллӣ гузаронда шуд.
Имсол ба ҳамкории байни ҳукуматҳои Иёлоти Муттаҳидаи Амрико ва Тоҷикистон 25 сол пур мешавад. Бунёди беморхонаи деҳаи Тавилдара танҳо яке аз лоиҳаҳои сершумор дар раванди ҳамкориҳои Ҳукумати ИМА бо мақомоти ҳокимияти маҳаллӣ баҳри баланд бардоштани сатҳи зиндагӣ ва маърифати мардуми ноҳияи Ҷайҳун мебошад. Беморхонаи мазкур намунаи воқеии тасмиму тарафдории Ҳукумати ИМА ҷиҳати расонидани кӯмаку дастгирӣ ба аҳолии осебпазири деҳоти Тоҷикистон аст.
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Аз сабти онлайни расона то 60% муҳтавои ватанӣ ва забони ишора. Тарҳи қонуни нави ВАО чӣ дорад?
Боздошти нозири минтақавии ШВКД Қубодиён ба гумони порагирӣ
Ду рӯзи наздик дар Тоҷикистон борону жола меборад
Барои рушди бахши роҳи оҳани Тоҷикистон 7,5 млрд доллар маблағгузорӣ пешбинӣ шудааст
Чин ба сохтмони неругоҳҳои офтобӣ дар Тоҷикистон 400 млн доллар маблағгузорӣ мекунад
Дар радабандии рақобатпазирӣ дар бахши сайёҳӣ нишондиҳандаҳои Тоҷикистон каме беҳтар шуданд
Раиси дастгоҳи Иброҳим Раисӣ ҷузъиёти суқути чархболро шарҳ дод
Тайи 1 шабонарӯз дар обҳои Тоҷикистон 2 нафар ғарқ шуданд
Кулли ахбор
Авторизуйтесь, пожалуйста