Раисҷумҳури Тоҷикистон Эмомалӣ Раҳмон рӯзи 15-уми январ дар маросими ба истифода додани мактаби №65 дар ноҳияи Шоҳмансури пойтахт иштирок кард. Дар ҷараёни он сарвари давлат бо хонандагоне, ки дар озмунҳои ҷумҳуриявӣ ва байнулмилалӣ ҷоизаҳо ба даст овардаанд, суҳбат кард.

Сарвари давлат аз писараки 10-сола Бенямини Илҳом, ки яке аз ҷоизадорони озмуни адабии ҷумҳуриявии “Фурӯғи субҳи доноӣ...” мебошад, пурсид:

“Падару модарат чӣ кор мекунанд?”

Бенямин посух дод, ки модараш хонашину падараш сарҳадбон аст.

Сарвари давлат ҳамчунин аз ӯ пурсид:  “Оянда кӣ шудан мехоҳӣ?” 

Писарча дар ҷавоб гуфт: “Духтур” ва ногаҳон гиря кард.

“Чаро гирия мекунӣ, кӣ дар хонаатон бемор аст?”, - пурсид аз хонанда Эмомалӣ Раҳмон. Бенямин ҷавоб дод, ки худаш бемор буда, духтурон гуфтаанд, ки муолиҷаи бемориаш дар хориҷи кишвар имкон дорад.

Дар ин робита Эмомалӣ Раҳмон ба масъулин дастур дод, ки ин кӯдакро бепул табобат карда, оид ба иҷрои ин супориш ҳисобот диҳанд.

Суратгузориш аз мактаби наве, ки дар маросими ифтитоҳи он президент ҳузур дошт.

1/18

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.