Ҳукумати Тоҷикистон ба сохторҳои дахлдор дастур дод, ки оид ба таъсиси муассисаи давлатии телевизиони “Илм ва табиат” корҳоро оғоз кунанд.
Президенти ҷумҳурӣ Эмомалӣ Раҳмон 28 август дар бораи тасдиқи оиннома ва сохтори шабакаи телевизионии нав, инчунин шумори воҳиди кории он қарор ба имзо расонид. Дар шабакаи нави телевизион 87 воҳиди корӣ ва ҳайати хизматрасонии техникӣ таъсис дода мешавад.
Кумитаи телевизиону радио ва Кумитаи сармоягузорӣ ва идораи амволи давлатӣ уҳдадор шуданд, ки дар муддати шаш моҳ масоили марбут ба таъмини шабака бо бино, воситаҳои нақлиёт, таҷҳизот ва дигар асбобу лавозимоти заруриро ҳаллу фасл намоянд.
Маблағгузорӣ ба шабакаи телевизионии “Илм ва табиат” аз ҳисоби буҷети ҷумҳуриявӣ ва маблағҳои махсуси худи муассиса амалӣ мешавад.
Ба Вазорати молия супориш дода шудааст, ки дар буҷети ҷумҳуриявӣ маблағ барои пардохти хароҷот (музди меҳнат ва суғуртаи иҷтимоӣ)-и 87 воҳиди кориро пешбинӣ намояд.
Дар оинномаи шабакаи телевизиони нав гуфта мешавад, шабакаи мазкур бо забонҳои тоҷикӣ ва хориҷӣ 24 соат дар як шабонарӯз барнома пахш мекунад.
Бино ба маълумоти Кумитаи телевизиону радио, айни замон дар Тоҷикистон 13 шабакаи телевизиони давлатӣ ва 35 шабакаи телевизиони хусусӣ (12 ноқилӣ ва 2 ТВ IP) фаъолият мекунанд.
Ёдрас мекунем, ки дар Тоҷикистон таъсиси боз як шабакаи нави давлатии телевизиони «Сайёҳӣ ва ҳунарҳои мардумӣ» дар назар аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста