Пойгоҳи интернетии "Диссернет" хабар додааст, ки Раёсати КОА (ВАК)-и Вазорати маориф ва илми Русия тавсия додааст, ки дараҷаи илмии 11 олими риштаи тиб ва 2 олими биология ва кишоварзӣ бекор карда шавад. Дар миёни ин 11 нафар се доктори илм низ ҳастанд, ки яке аз онҳо олими тоҷик, мудири кафедраи Донишгоҳи давлатии тиббии Тоҷикистон ба номи Абуалӣ Сино Абдурасул Сангинов низ мебошад.
Ин пойгоҳ гуфтааст, ки қарор аст, дар мавриди бекор кардани дараҷаи илмии ин 13 нафар фармони Вазорати маориф ва илми Русия содир шавад. Ба навиштаи пойгоҳ дар мавриди ҳамаи ин 13 нафар "Диссернет" таҳқиқот анҷом дода буд.
Пойгоҳи "Диссернет" моҳи марти соли гузашта Абдурасул Сангиновро муттаҳам ба асардуздӣ карда буд. Ин Пойгоҳ навишта буд, ки олими тоҷик дар рисолаи докторияш, ки соли 2011 дар Санкт-Петербург ҳимоя кардааст, аз корҳои илмии чанд олими рус, аз ҷумла Андрей Горохов, Сергей Шевчуков ва дигарон рӯйбардор кардааст.
Худи Абдурасул Сангинов мегӯяд, ки аз ин тасмими КОА-и Русия хабар надорад. Ӯ рӯзи 11-уми март дар сӯҳбат бо "Азия-Плюс" гуфт, ки КОА-и Вазорати илму маорифи Русия ба вай ягон паём ё огоҳие нафиристодааст.
"Вақте соли гузашта "Диссернет" маро муттаҳам ба асардуздӣ карда, ман ба ин кори онҳо вокуниш нишон дода, посухи расмӣ навиштам. Ба посухи ман аз сӯйи "Диссернет" посух дода нашуд. Ман ба КОА-и Русия рафтам, дар яке аз ҳимояҳо ширкат кардам. Ба ман дар он ҷо гуфтанд, ки ягон чизи ҷиддие нест. Баъдан шароити пандемия шуду ягон гапу хабар нашуд".
Пойгоҳи "Диссернет" як пойгоҳи мустақили таҳқиқотии интернетиест, ки мавридҳои асардуздӣ дар рисолаҳоеро, ки дар КОА-и Русия дифоъ шудаанд месанҷад. Ин пойгоҳ дар 3-4 соли ахир бештар аз 50 олими тоҷикро дар асардуздӣ муттаҳам кард, аммо аз ин миён танҳо Абдурасул Сангинов кори ин пойгоҳро ноодилона ва нодуруст хонду ба он вокуниши расмӣ кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
Кулли ахбор
Авторизуйтесь, пожалуйста