Дар робита ба вазъият дар Украина чанде аз парвозҳо ба баъзе шаҳрҳои Русия боздошта шуданд, хабар доданд ба “Азия-Плюс” аз Агении авиатсияи граждании назди ҳукумати Тоҷикистон.
“Тавре ки огаҳед, бо қарори Росавиатсия фаъолияти 12 фурудгоҳ дар наздикии сарҳад бо Украина муваққатан боздошта шуд. Аз Тоҷикистон ба сето аз ин фурудгоҳҳо дар шаҳрҳои Краснодар, Ростови лаби Дон ва Воронеж парвозҳо анҷом дода мешуд”, - гуфтанд дар Агентӣ.
Ба гуфтаи манбаъ, хатсайрҳое, ки ба шаҳрҳои зикршуда ба нақша гирифта шудааст, шояд ба фурудгоҳҳои наздики ин шаҳрҳои Русия сурат бигирад.
“Ин тадбирҳои муваққатӣ то 2 март идома ёфта, минбаъд ба вазъият вобаста хоҳад буд. Ҳамаи ин тадбирҳо баҳри таъмини бехатарии парвозҳо ва амнияти мусофирон рӯйи даст гирифта мешавад”, - изҳор доштанд дар Агентӣ.
Дар яке аз нуқтаҳои фурӯши билетҳои ҳавопаймо дар Душанбе ба “Азия-Плюс” изҳор намуданд, ки дарвоқеъ ҳам парвоз бо чанде аз хатсайрҳоро боздошта, ба мусофироне, ки ба онҳо муроҷиат мекунанд, ивази билетҳо ба рӯзи дигарро пешниҳод мекунанд ё пулашонро бармегардонанд.
“Фурӯши билетҳо ба смати Краснодар, Воронеж ва Ростови лаби Дон муваққатан то 2 март боздошта шуд. Ба мусофироне, ки то боздошти парвозҳо билет гирифта буданд, ивази он ба рӯзи дигарро пешниҳод мекунем ё пулашонро бармегардонем”, - гуфтанд дар ин нуқтаи фурӯш.
Намояндагони ширкати ҳавопаймоии S7-и Русия, ки бо хатсайри Хуҷанд - Воронеж парвозҳо анҷом медиҳад, ба “Азия-Плюс” иттилоъ доданд, ки рӯзи 2 март иҷрои ду парвозро ба Воронеж ба нақша гирифтаанд.
“Бароямон ҳоло маълум нест, ки рӯзи 2 март ба парвозҳои пешбинишуда иҷоза медиҳанд ё не. Моро дар бораи мутаваққиф намудани онҳо огоҳ накардаанд ва билетҳо ҳоло дар фурӯшанд”, - иброз доштанд дар ширкат.
Ёдрас мекунем, ки дар робита ба шиддат гирифтани вазъият дар атрофи Украина кори баъзе фурудгоҳҳо дар ҷануби Русия муваққтан боздошта шуд.
Тибқи маълумоти Росавиатсия, маҳдудиятҳо то соати 03:45 (вақти Маскав)-и 2 марти соли 2022 амал мекунанд. Ҳамагӣ фаъолияти 12 фурудгоҳи зерини Русия муваққатан боздошта шудааст: Ростов (Платов), Краснодар (Пашковский), Анапа (Витязево), Геленжик, Элиста, Ставропол, Белгород, Брянск, Орел, Курск, Воронеж, Симферопол.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста