Ин пешниҳодро иштирокчиёни конфронси илмӣ-амалии ҷумҳуриявии «Таҷрибаи сулҳи тоҷикон ва масъалаҳои таъмини суботи сиёсӣ дар ҷаҳони муосир», ки дар Донишгоҳи давлатии Хуҷанд баргузор шуд, матраҳ кардаанд.
Дар ин конфронс Раҷаббой Аҳмадзода, раиси вилояти Суғд низ ширкат дошт, хабар медиҳад маркази матбуотии раиси вилоят.
"Бо назардошти хизматҳои беназири Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар барқарорсозии сохти конститутсионӣ, бунёди низоми давлатдории навин, нақши арзанда дар эъмори давлати соҳибихтиёр, демократӣ, ҳуқуқбунёд ва дунявӣ, ба даст овардани сулҳу ваҳдати миллӣ, татбиқи муваффақонаи ҳадафҳои стратегии мамлакат, таъмини ягонагии Тоҷикистони соҳибистиқлол ва амалӣ намудани ормонҳои ҳазорсолаи мардуми кишвар аз мақомоти олии қонунгузори мамлакат хоҳиш менамоем, ки Президенти мамлакат муҳтарам Эмомалӣ Раҳмонро бори дуюм бо унвони олии Ватан - “Қаҳрамони Тоҷикистон” сарфароз гардонанд", - гуфта мешавад дар муроҷиатнома.
Ба Эмомалӣ Раҳмон боз чӣ пешниҳод шуд?
Эмомалӣ Раҳмон айниҳол унвони “Қаҳрамони Тоҷикистон”-ро дорад, ки соли 1999 барои расидан ба ваҳдати миллӣ ба ӯ дода шудааст.
Ин бори аввал нест, ки дубора ба раисиҷумҳур додани унвони "Қаҳрамони Тоҷикистон" пешниҳод мешавад.
Соли 2019 ҷавонони Кӯлобу Турсунзода бо чунин пешниҳод ба парлумон ва ҳукумат муроҷиат карда буданд.
«Барои хизматҳои бебаҳои таърихӣ дар назди халқи тоҷик дархост мекунем, ки ба Президенти Тоҷикистон Эмомалӣ Раҳмон маротибаи дуюм унвони Қаҳрамони Тоҷикистон дода шавад», - гуфта мешуд дар муроҷиати намояндагони ҷавонон.
Қобили зикр аст, ки қабл аз онҳо сиёсатмадори тоҷик Ҳикматулло Насриддинов низ чунин пешниҳод карда буд.
Ҳамчунин чандин маротиба дархост шуда буд, ки раисиҷумҳури Тоҷикистон ба ҷоизаи сулҳи Нобел пешбарӣ шавад.
Соли 2019 бо чунин пешниҳод муовини вақти декани факултети муносибатҳои байналмилалии Академияи идоракунии давлатии назди президенти Тоҷикистон Афзалшоҳ Бобозода ва донишҷӯи соли сеюми ин факултет Заррина Саидова изҳори назар карда буданд.
Раҳматулло Каримзода, котиби матбуотии Академия ба хабаргузории «Азия-Плюс» гуфта буд, ки ин иқдоми шахсии онҳост ва ба роҳбарияти муассисаи таълимӣ рабте надорад.
Боз ҳам сиёсатмадор Ҳикматулло Насриддинов дар соли 2016 пешниҳод карда буд, ки раисиҷумҳур ба унвони номзад ба дарёфти ин ҷоиза расман пешбарӣ шавад.
Ба назари ӯ, Эмомалӣ Раҳмон ба ин ҷоиза бештар аз Барак Обама, раисиҷумҳури пешини Амрико, ки онро гирифтааст, сазовортар аст.
Ҳамчунин, Ҷамъияти ӯзбекҳои Тоҷикистон пешниҳод карда буд, ки Эмомалӣ Раҳмон ва раисиҷумҳури Ӯзбекистон Шавкат Мирзиёев ба Ҷоизаи сулҳ дар соли 2018 номзад пешбарӣ шаванд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста