Дар шаҳри Панҷакент, ки яке аз мавзеҳои сайёҳии кишвар ба ҳисоб меравад, лоиҳаи “Барномаи рушди ҳунармандӣ барои солҳои 2023-2025” қабул карда шуд. Дар ин бора ҳукумати шаҳри Панҷакет хабар медиҳад.
Лоиҳаи барномаи мазкур дар ҷаласаи Шӯро оид ба рушди соҳибкорӣ ва беҳтар намудани фазои соҳибкории назди ҳукумати шаҳри Панҷакент, ки 21-уми январ баргузор гардид, пешниҳод ва қабул карда шудааст.
Қабл аз ин, ҳайати нави Шӯро оид ба рушди соҳибкорӣ ва беҳтар намудани фазои соҳибкорӣ муаррифӣ гардидааст ва тавре дар хабар зикр мегардад, ба он бори нахуст соҳибкорони муваффақи зодаи Панҷакент, ки ҳоло берун аз шаҳр ва мамлакат фаъолият доранд, аз ҷумла Толиб Санақулов - соҳибкори номвари сокини Ҷумҳурии Қазоқистон, Нигина Икромӣ - роҳбари Ташкилоти ҷамъиятии “Рушди эҷодии Тоҷикистон” ва ҳамзамон роҳбари корхонаи “Деҳаи Гулзар” шомил карда шудаанд.
Таъкид мегардад, ки ҳадафи аслии Барнома такони ҷиддӣ бахшидан ба рушди ҳунармандӣ дар шаҳри Панҷакент мебошад.
Айни замон дар ин шаҳр зардӯзӣ, сӯзанидӯзӣ, ҷомадӯзӣ, кандакорӣ, кундалнигорӣ, кулолгарӣ, оҳангарӣ, адрасбофӣ, қолинбофӣ аз ҳунарҳои мардумии маъмул ба ҳисоб мераванд, ки имконияти рушди бештарро доранд.
Бо ин мақсад, дар Барномаи қабулшуда пешниҳоди грантҳо ҳам пешбинӣ шудааст, ки ҳаҷми он аз 5 ҳазор то 15 ҳазор сомониро ташкил менамояд.
Ин Барнома роҳу усулҳои эҳё ва рушди ҳунарҳои мардумӣ, роҳандозии омӯзиши он, ташкили намоишу фурӯши маҳсулоти ҳунармандӣ, марказу растаҳои ҳунармандӣ ва ташкили ҷамъияти ҳунармандони шаҳри Панҷакентро пешбинӣ мекунад.
Ҳамчунин, дар заминаи он озмунҳо байни ҳунармандон, муқаррар намудани имтиёзҳо ва дастгирии молиявии онҳо, роҳандозии ҳамкорӣ бо ҳунармандони давлатҳои ҳамсоя, омӯхтани таҷрибаи онҳо, иштирок дар ҳамоишу намоишҳои ҷумҳуриявӣ ва байналмилалии ҳунарҳои мардумӣ, ҳамгироии рушди ҳунарҳои мардумӣ ва сайёҳӣ, ташаккули инфрасохтори соҳа, бозорёбӣ ва фурӯши маҳсулоти ҳунармандӣ дар назар гирифта шудааст.
Гуфтан ба маврид аст, ки айни ҳол ба феҳристи ҳунарҳои мардумии шаҳр 76 навъи ҳунармандӣ шомил гардида, беш аз 1140 нафар ҳунармандон ба қайд гирифта шудаанд.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста