Дар майдони “Истиқлол”-и шаҳри Душанбе рӯзи 31 декабр ба ифтихори фарорасии Соли нави мелодии 2024 консерти идона ва мушакпарронӣ (фейерверк)-и солинавӣ баргузор мешавад, хабар доданд дар Раёсати фарҳанги шаҳрдории пойтахт.
Зикр шуд, ки консерти идона бо иштироки ҳунармандони маъруфи кишвар соати 20:00 оғоз мегардад.
Ба иттилои манбаъ, дар фарҷоми чорабинӣ мушакпарронӣ доир мегардад.
Дар ҳамин ҳол, манбаъ зикр кард, ки то соли нав дар Сирки давлатии пойтахт барои тарбиятгирандагони мактаб-интернатҳо ва кӯдакон аз оилаҳои камбизоати пойтахт барномаи рангини “Моҳии тиллоӣ” намоиш дода мешавад. Аз номи раиси шаҳр ба онҳо туҳфаҳои солинавӣ тақдим мешавад.
Тавре ки аз ҳукуматҳои ноҳияҳои пойтахт ба “Азия-Плюс” хабар доданд, рӯзи 31 декабр дар ҳамаи ноҳияҳои шаҳр барномаҳои фарҳангӣ ва фароғатӣ гузаронида мешаванд.
Дар ноҳияи Шоҳмансур – боғи «Куруши Кабир», дар паҳлӯи бинои Театри опера ва балети Тоҷикистон ба номи Садриддин Айнӣ;
Дар ноҳияи Сино - назди бинои Прокуратураи генералӣ (профсоюз);
Дар ноҳияи Фирдавсӣ - назди бинои Сирки давлатии Тоҷикистон.
Руcский