Гулбиддин Ҳикматёр, раиси Ҳизби исломии Афғонистон бо Аминулҳақ, секретари пешини Усома Бен Лодан, роҳбари собиқи гуруҳи террористии "Ал-Қоида" мулоқот кардааст. Ҳарчанд ҷузъиёти ин дидор маълум нест, ки чист, вале расонаҳои Афғонистон хабар додаанд, ки ин дидор дар Кобул сурат гирифтааст.
Аз сӯйи дигар Гулбиддин Ҳикматёр дар як мусоҳиба бо хабаргузори "Анотолу"-и Туркия гуфтааст, ки бидуни ҳеҷ пешшарте давлати ояндаи Толибонро мепазирад.
"Барои муваффақияти Толибон бояд афроди бокифоят муаррифӣ шаванд",-гуфтааст Ҳикматёр.
Дар ин мусоҳиба ӯ гуфтааст, ки ба дунболи мақоме дар ҳукумати Толибон намегардад ва тамоюле ҳам надорад, ки дар он мушорикат кунад, аммо Ҳикматёр ба ҳимояти мутлақ аз давлати ояндаи Толибон сарфи назар аз шакли он тъкид кардааст.
Ҳикмтаёр ҳоло яке аз ҳамкорони "Толибон" дар Кобул аст ва гуфта мешавад, ки аз сӯйи ин гурӯҳ имоми намози ҷумъаи масҷиди Пули Хиштии Кобул таъин шудааст.
Чанд рӯз пеш ҳам Гулбиддин Ҳикмаёр ба изҳороти раисҷумҳури Тоҷикистон дар дидор бо вазири хориҷаи Покистон дар Душанбе, посух дод.
Эмомалӣ Раҳмон гуфта буд, ки Тоҷикистон хостори ҷойгоҳи шоистаи тоҷикони Афғонистон дар ҳукумати ояндаи ин кишвар мебошад.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста