Тоҷикистон барои узви комилҳуқуқи Созмони ҳамкориҳои Шанхай (СҲШ) шудани Эрон ҳама ӯҳдадориҳои худро анҷом додааст ва интизор меравад, соли 2023 ин кишвар шомили СҲШ шавад. Дар ин бора Аҳмад Саидмуродзода, иҷрокунандаи вазифаи ҳамоҳангсози миллии Тоҷикистон дар СҲШ ба хабаргузории эронии “Форс-Нюз” иттилоъ додааст.
Ба гуфтаи манбаъ, ҷониби Тоҷикистон дар бораи анҷоми расмиёти дохилии марбут ба эътибор пайдо кардани ёддошти тааҳҳудоти кишварҳои узви Созмони ҳамкориҳои Шанхай иттилоъ додааст.
“Дар ёддошти тааҳҳудоти Тоҷикистон Ҷумҳурии Исломии Эрон ба гирифтани мақоми узвияти комил дар ин созмон пешниҳод шудааст. Ба ин тартиб, ҷониби Тоҷикистон ӯҳдадориҳои худро дар роҳи вуруди Эрон ба ин созмон ба унвони узви комилҳуқуқ иҷро кард”, - афзудааст Саидмуродзода.
Ба гуфтаи ин мақомдори тоҷик, интизор меравад дар аввали моҳи июли соли равон дар нишасти сарони кишварҳои узви Созмони ҳамкориҳои Шанхай дар Ҳиндустон дар мавриди анҷоми раванди қабули Эрон тасмим гирифта шавад ва Эрон узви комилҳуқуқи ин созмон гардад.
Аҳмад Саидмуродзода гуфтааст, Тоҷикистон ташаббускори дархости Эрон дар СҲШ буд ва ин масъала аз авлавиятҳои раёсати Тоҷикистон дар ин созмон дар давоми солҳои 2020-2021 маҳсуб меёфт.
Гуфта мешавад, дар ҷаласаи ин созмон, ки 17 сентябри соли 2021 дар Душанбе баргузор шуд, тасмими Шӯрои сарони кишварҳои узв дар бораи оғози раванди пазируфтани Эрон ба узвияти СҲШ гирифта шуд.
Ёдовар мешавем, ки Созмони ҳамкориҳои Шанхай 15-уми июни соли 2001 таъсис ёфта, ба он Тоҷикистон, Ҳиндустон, Қазоқистон, Қирғизистон, Чин, Покистон, Ӯзбекистон ва Русия шомиланд. Афғонистон, Беларус, Эрон ва Муғулистон мақоми нозирро дошта, Арманистон, Озарбойҷон, Камбоҷа, Непал, Туркия ва Шриланка кишварҳои шарик мебошанд.
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Дардҳои гиреҳхӯрда” қисми 7
То ки ҳама фурсат ёбанд. Муҳлати қонунигардонии будубоши муҳоҷирон дар Русия тамдид шуд
Як шабонарӯз интиқоли оби нӯшокӣ дар баъзе кӯчаву маҳаллаҳои Душанбе қатъ мешавад
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 29 апрели соли 2025
Оғози мавсими саёҳати дохилӣ. Рӯзноманигорону блогерон ба кашфи ганҷинаҳои Тоҷикистон рафтанд
Ҳаҷвнигоре, ки ханда дар лаб даргузашт. Ёдномаи Қиёмиддин Чақалов, ки имрӯз 80-сола шуд
Путин оташбаси серӯза эълон кард. Ин дафъа ба муносибати Рӯзи Ғалаба
Баъди мулоқоти Тошиев бо сафири Русия, муттаҳамони парвандаи "ҷалби зархаридон” аз боздоштгоҳ раҳо шудаанд
Барои истифодаи нодурусти барқу гармӣ ҳам ҷарима пешбинӣ шуд
“Шоҳ”-е, ки аз гуноҳи ҳама гузашт, даргузашт. Асланшоҳ Раҳматуллоев дар Лучоб ба хок супорида шуд
Кулли ахбор
Авторизуйтесь, пожалуйста