Бар асари заминларзаи шадид дар Ҷопон дастикам 30 нафар кушта ва даҳҳо нафар захмӣ шудаанд.
BBC менависад, ки мақомот аз хисороти зиёд ва талафоти зиёд ҳушдор медиҳанд - миқёси фоҷеа баъди расидани наҷотдиҳандагон ба манотиқи осебдида муфассал арзёбӣ мешавад.
Нахуствазири Ҷопон Фумио Кишида рӯзи 2-юми январ аз “талафоти зиёд” хабар дода наҷоти бозмондагонро аз зери харобаҳо “мусобиқа бо вақт” номид.
Рӯзи душанбе дар маркази Ҷопон дар наздикии нимҷазираи Ното дар вилояти Исикава заминҷунбии 7,6 дараҷаӣ рух дод. Биноҳои зиёд хароб ва даҳҳо ҳазор нафар одамон бе барқ монданд.
Ба гуфтаи ҳукумати Ҷопон, беш аз 97 000 нафар дастури кӯчбандӣ гирифта, шабро дар толорҳои варзишӣ ва мактабҳо, ки ҳамчун марказҳои кӯчи изтирорӣ истифода мешаванд, сипарӣ кардаанд.
Фумио Кишида, нахуствазири Ҷопон гуфтааст, ки шоҳроҳҳои асосӣ дар минтақаи заминларза бар асари тӯфони шадид осеб дидаанд ва ба талошҳои наҷоти низомиён монеъ шудааст.
“Нерӯҳои худмуҳофизатӣ барои расидан ба минтақаҳои офатзада бо мушкили зиёд рӯбарӯ хоҳанд шуд, зеро хатсайрҳо қатъ шудаанд, аммо бояд ҳарчӣ зудтар пеш аз фурӯ рехтани биноҳо одамоне, ки дар биноҳо дармонда буданд, наҷот дода шаванд”, - гуфтааст ӯ.
Шабакаи телевизионии NHK хабар дод, ки табибон, аз ҷумла, натавонистаанд ба бемористони шаҳри аз офати табиӣ осебдидаи Сузуи вилояти Исикава бирасанд.
Пас аз заминларза мақомот дар Исикава хатари сунамӣ эълон карданд, вале баъдан ҳама огоҳиҳо лағв шуданд.
Агентии обуҳавошиносии Ҷопон гуфтааст, ки аз субҳи рӯзи душанбе дар Ҷопон 155 заминҷунбӣ ба шиддатҳои гуногун рух додааст, ки аз ҳама зиёди онҳо 7,6 дараҷаро ташкил медиҳад.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста