Бар зидди Оҷонсии хабарии “24.kg” барои таблиғи ҷанг парвандаи ҷиноятӣ боз шуда, мақомоти қудратии Қирғизистон Асел Отурбаева, директори генералӣ ва Маҳинур Ниёзова, сармуҳаррири Оҷонсии хабарии “24.kg”-ро бо худ бурдаанд. Дар ин бора хабаргузории “24.kg”- хабар медиҳад.
Манбаъ бо такя ба маркази матбуоти Кумитаи давлатии амнияти миллии Қирғизистон навиштааст, ки бар зидди ин расона бо моддаи 407 (Таблиғи ҷанг) Кодекси ҷиноятии Қирғизистон првандаи ҷиноятӣ боз шудааст.
“То ҳол маълум нест, ки кадом маводи нашрия мавриди тафтиш қарор дорад”, - омадааст дар хабари “24.kg”.
Субҳи имрӯз, 15-уми январ, кормандони Кумитаи давлатии амнияти миллии Қирғизистон барои кофтуков ба идораи хабаргузорӣ омаданд. Вакилони дифои ин расонаро барои ширкат дар кофтуков роҳ надоданд.
Онҳо дар аввал шаҳр надодаанд, ки кофтуков дар асоси кадом парванда сурат мегирад.
Яке аз вакилони дифоъи хабаргузорӣ дар суҳбат бо расонаҳо гуфт, ки чунин кофтуков дар доираи парвандаи ҷиноятӣ оғоз мешавад. Вале гуфт, онҳоро ба кофтуков роҳ надоданд, аз ин рӯ намедонад, ки идораи хабаргузорӣ дар доираи кадом парвандаи ҷиноятӣ кофтуков мешавад.
Баъди зуҳри имрӯз, мақомоти қудратӣ дари идораи хабаргузориро муҳр зада, компютерҳои кории онро бо худ бурдаанд.
Ҳамчунин, Асел Отурбаева, директори генералӣ ва Маҳинур Ниёзова, сармуҳаррири Оҷонсии хабарии “24.kg”-ро ҳам бо худ бурдаанд ва эҳтимол аст, онҳоро бозпурсӣ кунанд. Гуфта мешавад, ки онҳоро кормандони КДАМ-и Қирғизистон бо худ бурдаанд.
Маҳинур Ниёзова дар дохили нақлиёти мақомоти қудратӣ ба журналистон гуфтааст, ки парвандаи ҷиноятӣ дар доираи нашри як мақола дар бораи ҷанги Украина боз шудаст.
24.kg яке хабаргузҳориҳои интернетӣ дар Қирғизистон аст, ки соли 2006 таъсис ёфтааст. Директори генералии агентии иттилоотӣ Асел Оторбоева мебошад.
“Султони ишқу шаҳриёри шеър”. Ёде аз Шаҳриёр, шоири форсизабон, ки дар Тоҷикистон ҳам ҳаводор дорад
Ҳайати мунтахаби Тоҷикистон дар Чемпионати ҷудои ҷаҳон байни наврасон маълум шуд
“Биёед чароғҳоро дубора фурӯзон кунем”. Чӣ яғнобиҳоро водор мекунад ба мулки падарии худ баргарданд?
Боздошти як ҷавон бо гумони куштори хоҳараш бо 9 зарби корд
Ҷабҳаи муқовимат ҳушдор додааст, ки ДОИШ қасди ҳамла ба сафоратхонаҳои хориҷӣ дар Кобулро дорад
Таҳкими озодии баён ва дифоъ аз журналистон. 25 соли роҳи пур аз шебу фарози АМВАОМТ
“Аудиокитоб” бо Субҳон Ҷалилов. Маснавии маънавӣ. Ҳикояи “Дониши бесамар”
Кушта шудани беш аз 10 кас дар пайи таркиши дастгоҳҳои паёмрасон дар Лубнон
Корфармоёну корҷӯён барои як “дидори кӯтоҳмуддат” дар Душанбе гирдиҳам омаданд
“Рейд” дар марказҳои дилхушӣ. 230 нафар дар доираи амалиёти “Ахлоқ” ба милитсия оварда шуданд
Кулли ахбор
Авторизуйтесь, пожалуйста