Дар пойтахти Қазоқистон – шаҳри Остона рӯзи чоршанбеи ҳамин ҳафта ҷаласаи навбатии Шӯрои олии иқтисодии Авруосиё дар сатҳи нахуствазирон баргузор шуд.
Бино ба маълумоти Кумитаи иҷроияи ИДМ, дар кори ҷаласа нахуствазирони кишварҳои узви Иттиҳоди гумрукӣ ва Фазои ягонаи иқтисодӣ (Русия, Белорус, Қазоқистон) ширкат варзида, нахуствазирони Украинаву Қирғизистон ба сифати нозирон даъват шуда буданд.
Гуфта мешавад, дар ҷаласа масоили ҳамкориҳои мутақобила дар доираи Иттиҳоди гумрукӣ ва Фазои ягонаи иқтисодӣ баррасӣ шуда, нахуст мулоқоти хоссаи нахуствазирони панҷ кишвар ва сипас вохӯрии ҳайатҳои васеи давлатҳо доир гардид.
Дар ҳамин ҳол, ҳайати Тоҷикистон, ки дар қатори Қирғизистон номзади имконпазир ба узвият дар Иттиҳоди гумрукӣ маҳсуб меёбад, ба чорабинии мазкур даъват нашуд.
Қаблан зикр гардида буд, ки Тоҷикистон пас аз пайвастани Қирғизистон ба Иттиҳоди се кишвар, метавонад ба узвияти он пазируфта шавад, зеро яке аз шартҳои муҳими ҳамроҳшавӣ мавҷуд будани марзи умумӣ бо кишварҳои узви ин Иттиҳод мебошад.
Интизорӣ меравад, ки то ахири соли равон Қирғизистон ба узвияти Иттиҳоди гумрукӣ пазируфта хоҳад шуд. Шӯрои олии иқтисодии Авруосиё мақоми олии идоракунии Фазои ягонаи иқтисодӣ мебошад, ки сарони кишварҳо ва нахуствазирон ба он шомиланд.
Зери шиори “дастгирии истеҳсоли ватанӣ”. Волидайнро маҷбур доранд пойафзори мактабиро аз як корхона харанд
Шиносоии Эмомалӣ Раҳмон аз ҷараёни корҳои сохтмонӣ дар НБО “Роғун”
Маҳдудияти нави Толибон. Мардон шими ҷинс напӯшанд ва мӯйи сари худро “ғайриисломӣ” ороиш накунанд
Ба довталабони Хуҷанд ва Душанбе тарзи ба донишгоҳҳои Русия ва Белорус дохил шуданро мегӯянд
"Модарам маро аз фарзандонам ҷудо кард". Чӣ гуна гирифторони ВНМО дар Тоҷикистон ба табъиз дучор мешаванд?
КҲФ аз хатари омадани сел дар маҳалҳо дар ду рӯзи наздик огоҳ кард
“Дар дилхоҳ ҷой метавонанд харанд”. Шарҳи Вазорати маориф ва илм ба баҳси хариди иҷбории сару либоси мактабӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Хӯрандагони бачаи фил"
Эмомалӣ Раҳмон як хатти интиқоли барқи НБО “Роғун”-ро ба истифода дод
Нархи чипта 900 сомонӣ. Парвози ҳавопаймо ба Хоруғ дигарбора барқарор шуд
Кулли ахбор
Авторизуйтесь, пожалуйста