Қазоқистон содироти маҳсулоти нафтиро тариқи нақлиёти автомобилӣ манъ мекунад, хабар медиҳанд расонаҳои Қазоқистон бо истинод ба Вазорати энергетикаи ин кишвар.
Гуфта мешавад, манъи содироти бензин, сӯзишвории дизелӣ (солярка) ва навъҳои ҷудогонаи маҳсулоти нафтӣ аз Қазоқистон тариқи нақлиёти автомобилӣ аз рӯзи сешанбеи ҳафтаи оянда - 12 июл мавриди амал қарор мегирад.
Ба таври истисно ба содироти маҳсулоти нафтӣ танҳо “дар зарфҳои бензин (бензобакҳо)-и аз ҷониби корхонаи истеҳсолкунандаи воситаҳои нақлиёт пешбинигардида, инчунин зарфҳои ҷудогонаи ҳаҷмашон на зиёдтар аз 20 литр” иҷоза дода мешавад.
Ин тадбири мақомоти Қазоқистон ба эҳтимоли зиёд ба воридоти маҳсулоти нафтӣ ба Тоҷикистон ва мутаносибан нархгузорӣ таъсири чашмрасе нахоҳад дошт, зеро интиқол аз Қазоқистон ба миқдори начандон зиёд сурат мегирад.
Мувофиқи маълумоти Хадамоти зиддиинҳисории назди ҳукумати Тоҷикистон, дар соли 2021 ҳиссаи воридоти маҳсулоти нафтӣ аз Қазоқистон ҳамагӣ 7% аз ҳаҷми умумии воридоти ин маҳсулотро ташкил додааст.
Воридкунандаи асосии маҳсулоти нафтӣ ба Тоҷикистон Русия мебошад, ки соли гузашта зиёда аз 86%-и талаботи бозори кишварро бо ин навъҳои сӯзишворӣ таъмин намуд. Аз соли 2013 маҳсулоти нафтии Русия ба Тоҷикистон бо боҷи содиротии сифр (0) ворид карда мешаванд.
Қазоқистон бошад, аз лиҳози содироти гази моеъ ба Тоҷикистон зинаи аввалро ишғол мекунад.
Бино ба маълумоти Хадамоти зиддиинҳисории ҷумҳурӣ, соли 2021 ҳиссаи воридоти гази моеъ аз Қазоқистон ҳудуди 88% аз ҳаҷми умумии воридоти ин навъи сӯзишвориро ташкил додааст.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста