Душанбе. 11-уми сентябр. ОИ «Азия-Плюс» - Шоми дирӯз дар кӯчаи Неъмат Қарабоеви пойтахт ронндаи автомобили «Нисан» Садриддин Назаров аз ӯҳдаи идораи мошин набаромада, бо суръати баланд роҳгузаронро пахш мекунад. Дар ин бора аз Вазорати умури дохилии ҷумҳурӣ хабар доданд.

            Бино ба иттилои манбаъ, бар асари ин фалокат зани аврупоие ба ҳалокат расидааст, ки синнаш тахминан 40-45 сола буда, то ҳанӯз шахсияташ номаълум аст. Ғайр аз ин, сокини 43-солаи пойтахт Элола Казбекова низ аз ин садама ҷароҳатҳои вазнини ҷисмонӣ гирифтааст. Аз рӯи ин далел парвандаи ҷиноӣ боз шуда, оид ба муайян намудани шахситяи зани марҳум чораҷуӣ карда мешавад.