Пас аз 14 соли роҳбарӣ Бег Сабур аз вазифаи раиси Хадамоти алоқа барканор шуд ва ба ҷойи ӯ Исфандиёри Саъдулло таъин гардид. Ӯ дар аввалин нишасти матбуотии худ фаъолияти блогнависонро яке аз сабабҳои сустии кори интернет дар кишвар номид, ки ин дар шабакаҳои иҷтимоӣ баҳси зиёдро ба миён овард.

Воқеан, суръат ва нархи интернет дар кишвар чанд сол аст, ки дар ҷомеа баҳс мешавад. Ҳар бор кундии суръат ва сифати интернет дар кишвар аз ҷониби роҳбарияти Хадамоти алоқа ба таври гуногун шарҳ дода мешавад. Масалан, солҳои қаблӣ роҳбарияти пеши Хадамоти алоқа бунёди баландошёнаҳо, кӯҳҳо ва фарҳанги нодурусти истифодаи интернетро низ аз сабабҳои сустии кори интернет дар кишвар номида буд.

Ба ҳар сурат, аз сокинони пойтахт пурсидем, ки “Аз роҳбари нави Хадамоти алоқа чӣ интизорӣ доред?”

Масалан, яке аз сокинони пойтахт гуфт: “Фарқ надорад роҳбар кӣ аст, муҳим алоқа хуб шавад”.

Дигарон чӣ гуфтанд? Дар навори зерин бубинед:

Дар Telegram, Facebook ва Instagram бо мо бимонед.