Шаби 11-уми май, тақрибан соати 21:20 ба хабарнигори Asia-Plus Абдуллоҳ Ғурбатӣ дар назди хонааш, воқеъ дар қарибии бозори “Корвон”-и шаҳри Душанбе 2 нафари ношинос бе ягон сабаб дарафтоданд.

Онҳо чизе нагуфта, ӯро хомӯшона заданд. Ягон чизашро ҳам нагирифтанд. Баъд аз он, ки Абдуллоҳ овоз баланд кард, ҳамлаварон гурехтанд.

Ҳамкорон аз идораи Asia-Plus дар пайи ин ҳодиса Абдуллоҳ Ғурбатиро ба бемористон бурданд. Айни замон ӯ зери назорати табибон қарор дорад. 

Ин акси Абдуллоҳи хуншор дар саҳифаи фейсбукии ӯ бо навиштаи зер нашр шудааст:

“Пайи чанги ду шағол, ки як соат пеш ба ман дарафтоданду 'корро тамом накарда' аз тарс гурехтанд...”
Вақтҳои охир шахсони ношинос борҳо ба хабарнигори Asia-Plus Абдуллоҳ Ғурбатӣ таҳдид кардаанд.
Акс аз саҳифаи фейсбукии Абдуллоҳ Ғурбатӣ

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.