Душанбе. 20-уми май. Азия-Плюс — Президенти Ҷумҳурии Тоҷикистон Эмомалӣ Раҳмон Сафири фавқулодда ва мухтори Ҷумҳурии Озарбойҷон дар Тоҷикистон Магерам Алиевро бинобар анҷом ёфтани мӯҳлати сафириаш дар кишвари мо ба ҳузур пазируфт.
Тавре аз хадамоти матбуоти сарвари давлат иттилоъ доданд, Магерам Алиев ба Эмомалӣ Раҳмон ордени байналмилалии «Моҳи нав ва ситора» - и Кумитаи байналмилалӣ доир ба мубориза бо терроризм, нашамандӣ ва ҷиноятҳои экологӣ «INTERSAFETY» - ро тақдим намуд.
Тавре зикр гардид, ин орден дар Иттиҳоди байналмилалии мукофотии Созмони Милали Муттаҳид UNCOPA сабт гардида, ягона мукофоти байналмилалӣ мебошад, ки дар он рамзу нишонаҳои мусулмонӣ инъикос ёфтаанд. Бо ордени байналмилалии «Моҳи нав ва ситора» роҳбарони кишварҳои мусулмоннишин ва шахсиятҳои барҷастаи олами ислом барои нақши намоёнашон дар тарғиб ва татбиқи ғояҳои инсондўстию адолат сарфароз гардонда мешаванд.
Дар мулоқот доир ба ҳолати кунунӣ ва дурнамои муносиботи дўстӣ ва ҳамкории босамари Тоҷикистону Озарбойҷон гуфтугў сурат гирифт.
Сарвари давлат Эмомалӣ Раҳмон ба фаъолияти дипломатии Магерам Алиев дар мўҳлати сафораташ дар Тоҷикистон баҳои мусбӣ дод. Дипломати Озарбойҷон изҳор дошт, ки минбаъд низ барои таҳким ва густариши робитаҳои судбахши ду кишвари дўст кўшиш ба харҷ хоҳад дод.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста