Раиси Ҳизби сотсиал-демократии Тоҷикистон Раҳматилло Зойиров муддати тамоми рӯзи гузашта дар Прокуратураи генералӣ қарор дошт, то ки ба саволҳои таҳияшуда аз ҷониби Кумитаи давлатии амнияти миллии ҷумҳурӣ посух бигӯяд.
Р.Зойиров дар ин робита ба ОИ «Азия-Плюс» хабар дод, ки ӯ бо сардори Раёсати назорат аз болои мақомоти амнияти давлатии Прокуратураи генералӣ Ҷамшед Сангов, сардори Раёсати тафтишоти ҷиноятҳои махсусан муҳим ва муовини ӯ суҳбат доштааст.
Ба қавли ӯ, аслан онҳо ба се мавзӯъ – гунаҳкории КДАМ ба як қадар ғаразнокӣ ва ноуҳдабароии касбӣ аз ҷониби ман, изҳороти ман нисбати роҳбари ҷамоати ӯзбекон Шамсиддинов ва рӯйдодҳои Хоруғ таваҷҷуҳ зоҳир намудаанд.
«Лозим омад, ки ҳамаро дубора муътақид созам. Аз ин рӯ, метавон гуфт, ки ман онҳоро комилан дар ҳақ буданам мутмаин сохтам. Ба ман гуфтанд, ки агар саволҳои дигар пайдо шаванд, метавонанд боз даъватам кунанд», - иброз дошт Зойиров.
Ёдрас мекунем, ки Прокуратураи генералии Тоҷикистон аз раиси ҲСДТ Раҳматилло Зойиров дархост намуд, ки ба як қатор саволҳо оид ба изҳороташ дар робита ба солгарди рӯйдодҳои соли гузаштаи Хоруғ посух гӯяд.
Дар арафаи солгарди рӯйдодҳои тобистони соли гузаштаи Хоруғ, рӯзи 23-юми июли соли ҷорӣ Раҳматилло Зойиров ба унвони президенти мамлакат Эмомалӣ Раҳмон изҳороте пахш карда, аз сарвари давлат даъват намуд, ки рӯйдодҳои тобистони соли гузаштаи Хоруғ аксияи террори давлатӣ эътироф гардида, гунаҳкорон муҷозот ва санаи 24-уми июл Рӯзи ёдбуди ҳамаи ҷабрдидагон аз таъқиб ва амалҳои зӯроварии ғайриқонунӣ эълон карда шавад.
Ҳамчунин қобили зикр аст, ки Раҳматилло Зойиров алҳол ягона шахсест, ки ба пешбарии номзадиаш ба интихоботи қарибулвуқӯъи президентӣ дар Тоҷикистон омодагӣ изҳор кард.
Зери шиори “дастгирии истеҳсоли ватанӣ”. Волидайнро маҷбур доранд пойафзори мактабиро аз як корхона харанд
Шиносоии Эмомалӣ Раҳмон аз ҷараёни корҳои сохтмонӣ дар НБО “Роғун”
Маҳдудияти нави Толибон. Мардон шими ҷинс напӯшанд ва мӯйи сари худро “ғайриисломӣ” ороиш накунанд
Ба довталабони Хуҷанд ва Душанбе тарзи ба донишгоҳҳои Русия ва Белорус дохил шуданро мегӯянд
"Модарам маро аз фарзандонам ҷудо кард". Чӣ гуна гирифторони ВНМО дар Тоҷикистон ба табъиз дучор мешаванд?
КҲФ аз хатари омадани сел дар маҳалҳо дар ду рӯзи наздик огоҳ кард
“Дар дилхоҳ ҷой метавонанд харанд”. Шарҳи Вазорати маориф ва илм ба баҳси хариди иҷбории сару либоси мактабӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Хӯрандагони бачаи фил"
Эмомалӣ Раҳмон як хатти интиқоли барқи НБО “Роғун”-ро ба истифода дод
Нархи чипта 900 сомонӣ. Парвози ҳавопаймо ба Хоруғ дигарбора барқарор шуд
Кулли ахбор
Авторизуйтесь, пожалуйста