Абдуҷаббор Раҳмонзода, ёрдамчии Президенти Тоҷикистон дар умури рушди иҷтимоӣ ва робита бо ҷомеа дар як мизи гирди ихтисосии рӯзномаи "Ҷумҳурият" бахшида ба Рӯзи матбуоти тоҷик аз фаъол набудани рӯзноманигорону зиёиён дар ҳолатҳои хос барои ҳимоя аз Ҳукумати Тоҷикистон ва Пешвои миллат интиқод кардааст.
Абдуҷаббор Раҳмонзода гуфтааст, ки Тоҷикистон ва раҳбарии он корҳои зиёде мекунад, аммо ҳамеша мавриди интиқод қарор мегирад. Ӯ аз ҷумла ба роҳандозии чораҳои муассир дар робита ба бемории ҳамагирии COVID 19 аз сӯйи ҳукумат ва раисҷумҳури Тоҷикистон ишора карда, ёдовар шудааст, ки тадбирҳои судманде андешида шуд.
"Аммо, мутаассифона, боз ҳам мебинем, ки, хусусан дар шабакаҳои иҷтимоӣ, нисбат ба Ҳукумати кишвар ва Пешвои миллат назари манфӣ доранд. Вале зиёиёни миллат, рӯзноманигорон, он тавре ки зарур аст, дар ин ҳолатҳо фаъол нестанд",-изҳори таассуф кардааст ёрдамчии Президент.
Ёрдамчии идеологии раисҷумҳур гуфтааст, ки зиёиён бояд ба навиштаҳои зидди Тоҷикистон аз номи худ посух гӯянд, то онҳо нагӯянд, ки ин посухҳои "фермаи ҷавоб" аст.
"Солҳои охир тариқи шабакаҳои иҷтимоӣ ва ҳам шабакаҳои телевизионии бурунмарзӣ зидди Тоҷикистон барномаҳои гуногун омодаву пахш мешаванд. Албатта, онҳо манбаи маблағгузорӣ доранд ва барои ин маблағҳои ҳангуфт ҷудо мегардад, аммо журналистони мо дар ҷавоб хомӯшанд. Вақти он расидааст, ки ҳамаи расонаҳои кишвар дар ин ҳолат муттаҳид бошанд. Танҳо дар ин сурат метавон зидди чунин ҷангҳои иттилоотӣ мубориза бурд. Дар ин ҳолат бояд, ки аз номи худ ҷавоб гӯем, то рақибонамон нагӯянд, ки ин ҳамаро «фермаи ҷавоб» омода сохтааст".
Раҳмонзода гуфтааст, ки нодида гирифтани заҳматҳои Эмомалӣ Раҳмон аз рӯйи инсоф нест. Ӯ гуфтааст, ки "чанд рӯз пеш яке аз шахсиятҳои сиёсии кишвари хориҷӣ гуфт, ки Тоҷикистон ба сифати як вилоят бояд, ки ба давлати дигаре тобеъ бошад. Албатта, мо мухолифи ин андешаем ва дар ин ҳолат бояд, ки ҳатман ҷавоби дуруст бигӯем. Нагузорем, ки Конститутсия, шаъну шарафи Тоҷикистон ва Пешвои миллатамонро паст зананд".
Ин ишораи Раҳмонзода зоҳиран ба Владимир Жириновский раиси ҳизби либерол-демократии Русия аст, ки чанде пеш дар як суҳбат бо радиои "Говорит Москва" гуфта буд, ки 14 ҷумҳурии собиқ Шӯравиро бояд ба ҳайати Русия шомил намуд ва ӯ ҷумла пешниҳод карда буд, ки Тоҷикистон бояд ҳамчун вилояти Душанбе ба Русия шомил шавад.
Дар ин мизи гирд ба ҷуз Абдуҷаббор Раҳмонзода, ҳамчунин Хуршед Зиёӣ, мудири Маркази тадқиқоти стратегии назди Президенти Тоҷикистон, Зинатуллоҳ Исмоилзода, раиси Иттифоқи журналистони Тоҷикистон ва профессор Мурод Муродӣ, устоди факултаи рӯзноманигории Донишгоҳи миллии Тоҷикистон ҳам ширкат кардаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста