- Сайёҳи рус Александр Берёзкин, ки санаи 1-уми август дар назди пиряхи Сурган (баландиаш 5 ҳазор метр) дар Тоҷикистон аз ронаш ҷароҳат гирифт, рӯзи якшанбе тариқи чархбол ба бемористони шаҳри Душанбе оварда шуд, - иттилоъ дод ба ОИ «Азия-Плюс» намояндаи расмии сафоратхонаи ҶТ дар Русия Муҳаммад Эгамзод.
Ба қавли ӯ, айни замон як гурӯҳи сайёҳони рус таҳти роҳбарии Алексей Соломонов дар кӯҳҳои Тоҷикистон қарор дошта, Берёзкин низ ба ҳайати ин гурӯҳ шомил будааст.
Эгамзод бо такя ба гуфтаҳои ҳамсари роҳбари гурӯҳ Анастасия Павлова иброз дошт, ки вақте бо Берёзкин ин ҳодисаи нохуш рух медиҳад, миёни ширкатҳои сайёҳиву суғуртаи Тоҷикистону Русия сари масъалаи ба дӯши кадоме аз онҳо вогузор будани масъулият баҳс сурат мегирад.
«Ба ҷабрдида бошад, кӯмаки тиббӣ ва интиқол ба Душанбе зарур буд. Дар робита ба ин ҳамсари роҳбари гурӯҳи сайёҳон ҷиҳати кӯмак ба сафоратхонаи ҶТ дар Русия муроҷиат кард», - зикр кард ӯ.
Эгамзод таъкид кард, ки рӯзи шанбеи ҳафтаи сипаришуда барои кӯмак ба ҳалли ин масъала Павлова ба таври хаттӣ ба Вазорати корҳои хориҷии ҶТ муроҷиат кардааст.
Рӯзи якшанбе ба намояндагии дипломатии Тоҷикистон дар Маскав бо мазмуни зайл аз Павлова нома расидааст: «Барои кӯмак ва дастгирӣ дар ин лаҳзаи душвор аз самими дил изҳори миннатдорӣ мекунам. Дархост мекунам, ки ба тамоми кормандони сафорат ва ВКХ Тоҷикистон миннатдории бепоёни маро расонед. Ба туфайли кӯмаки шумо, соати 5-и субҳи имрӯз як чархбол барои интиқоли Берёзкин сафарбар шуда, ӯро соати 9-и субҳ ба бемористони Душанбе расониданд. Бахусус мехоҳам саҳми шуморо таъкид кунам, суханони Шумо ба ман нерӯву илҳоми тоза бахшиданд».
“Кӯдаконро дошта намешавад”. Андешаи сокинон дар бораи манъи идгардак
Иди саиди Қурбон муборак!
“Сӯи душман тез кардам ман қаламро...”. Зулфия Атоӣ 70-сола шуд
Чӣ гуна як зани афғонистонӣ дар Тоҷикистон ба паноҳҷӯён ҷои кор медиҳад?
Интихоботи Эрон. Кӣ президент мешавад ва муносибат бо Тоҷикистон тағйир мехӯрад?
“Муллои ҷинбарор” боздошт ва бо пардохти ҷарима озод шуд
Саидҷаъфар Усмонзода аз ҳуқуқи дахлнопазирӣ маҳрум ва боздошт шудааст
Дар Иди Қурбон дар куҷои Душанбе чорво забҳ кардан мумкин аст?
Боздошт ва ҳабси шавҳари блогери тоҷик баъди шикояташ оид ба хушунат
Дар Петербург зани тоҷик худро аз паси писари аз тиреза афтодааш ба замин партофт
Кулли ахбор
Авторизуйтесь, пожалуйста