Охири моҳи март дар роҳҳои пойтахти Тоҷикистон троллейбусҳои бидуни алоқа бо барқ, ки бо харҷи миллион доллар аз Беларус харидорӣ мешаванд, ба равуо оғоз мекунанд.
Нахуст мақомоти шаҳрдорӣ аз Беларус чор троллейбуси чунин навъ мехарад, ки ҳар кадоме итақрибан 250 ҳазор доллар нарх дорад. Воситаҳо барои харидории онҳо аз ҷониби Бонки аврупоии таҷдиду рушд (БАТР) ҷудо карда мешаванд, хабар доданд ба “Азия-Плюс” аз мақомоти шаҳрдории Душанбе.
Троллейбусҳо дар доираи амалисозии лоиҳаи “Рушди нақлиёти ҷамъиятии шаҳри Душанбе”, ки аз ҷониби БАТР маблағгузорӣ мешавад, дастрас мегарданд.
“50%-и воситаҳои пулӣ грант ва 50%-и дигараш қарз мебошад”, - хабар дод ба “Азия-Плюс” корманди шуъбаи нақлиёти мқомоти шаҳрдории пойтахт Абдулхайр Алиев.
Троллейбусҳои истеҳсоли корхонаи «Белкоммунмаш» (модели 32100D) ҳам бо ёрии шабакаи барқ ва ҳам бидуни алоқа бо барқ (тарзи автономӣ, мустақилона) ҳаракат карда метавонанд. Энергияи (нерӯи барқи) захирашуда дар троллейбусҳои чунин навъ барои ҳаракат бидуни васл бо шабакаи барқ ба масофаи то 15 километр мерасад (кифоягӣ мекунад).
Намояндаи мақомоти шаҳрдорӣ зимнан зикр кард, ки бо ин васила мақомоти шаҳрдории пойтахт ҳолатҳои танбашавии воситаҳои нақлиётро бар асари бозистии троллейбусҳои кӯҳна, ки дар ҳолатҳои қатъи интиқоли барқ соатҳои зиёд дар роҳ таваққуф мекунанд, ҳал карданист.
Дар сомонаи корхонаи истеҳсолкунанда гуфта мешавад, шумори ғунҷоиши троллейбусҳои модели 32100D 90 нафар мусофир бо 22 ҷойи нишастро ташкил медиҳад. Дар троллейбус низомҳои оташхомӯшкунӣ, мушоҳидаи сабти видеоӣ, ҳавософкун (кондитсионер) ва дигар дастгоҳҳои зарурӣ амал мекунанд.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста