Чӣ гуна истифодаи интернет ва шабакаҳои иҷтимоиро танзим кунем, то онҳо муфид бошанду сари моро бо иттилои нолозим пур накунанд? Мо имрӯз тасмим гирифтем доир ба гигиенаи рақамӣ маслиҳатҳо диҳем.
Пеш аз ҳама дар хотир доред, ки агар мо худамон рафтори худро дар шабакаҳои иҷтимоӣ зери назорат нагирем, зеҳни сунъӣ ва алгоритмҳои бофтаи дигарон инро ба ҷойи мо анҷом медиҳанд ва мо вобастаи онҳо мешавем.
- Агар шумо намедонед, ки барои чӣ аз шабакаҳо иҷтимоӣ истифода мебаред, пас ба асорати пурраи алгоритмҳо меафтед.
- Созандагони шабакаҳои иҷтимоӣ ҳангоми сохтани онҳо ба бозиҳои азартӣ такя кардаанд, яъне шумо зуд вобаста мешавед.
- Ҳатто 10 дақиқа хондани саҳифаи тайёрнамудаи алгоритмҳои Facebook ба паст шудани табъи корбарон сабаб мешавад.
- Огоҳ бошед: корбарон моиланд дастовардҳои худро бештар ва ҳаёти худро рангинтар тасвир кунанд. Бо дидани онҳо шумо рӯҳафтода нашавед!
- Бераҳмона саҳифаву гурӯҳҳои бефоидаю нолозимро пок кунед.
- Корбарони беандешаи шабакаҳои иҷтимоӣ зарарасонҳои асосӣ ва дузди вақти шумо мебошанд. Онҳоро ҳазф кунед. Бигзор хӯроки мехӯрдаашон ва либоси наву дастовардҳояшонро ба бобою бибияшон нишон диҳанд. Ба шумо онҳо чӣ лозим?
- Дӯстии корбаронро бисёр эҳтиёткорона қабул кунед, кӯшиш кунед танҳо ба онҳое обуна шавед, ки аз шумо қадаме пешрафтатаранд ва метавонед аз онҳо чизе омӯзед.
- Эҳтиёткорона “писандед” (Like гузоред). Донед, ки он фақат як тугма нест, балки дар асоси писандидани шумо алгоритмя маводҳои монандро ба шумо пешниҳод мекунанд.
- Одат кардаед фақат сарлавҳа хонед? Кӯшиш кунед мақолаю матнҳоро пурра хонед!
- Баъд истифода аз шабакаҳои иҷтимоӣ чӣ қадар вақт сарф караданатон ва чизҳои дар хотиратон мондаро дар ҷое сабт кунед. Баъдан онҳоро омӯзед ва хулоса кунед, ки шумо бо хоҳиши худ инқадар вақтатонро сарф кардед ё он вақтро аз шумо “дуздиданд”?
Ба дӯстонаон фиристед, то онҳо низ аз гигиенаи рақамӣ огоҳ шаванд.
Мавод дар доираи Маъракаи рушди маърифати расонаӣ дар Тоҷикистон – “Се нуқта. Бидон, чиро мебинӣ!” таҳия шудааст. Ба саҳифаи “Се нуқта. Бидон, чиро мебинӣ!” дар шабакаҳои иҷтимоии Facebook ва Одноклассники пайваст шавед ва маърифати расонаии худро инкишоф диҳед!
Дигар маводҳои лоиҳаро ин ҷо хонед: Бидон, чиро мебинӣ!
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Кулли ахбор
Авторизуйтесь, пожалуйста