Собиқ Вазири молияи Тоҷикистон Абдусалом Қурбониён дар синни 62 солагӣ даргузаштааст. Дар ин бора саҳифаи расмии Вазорати молияи Тоҷикистон дар “Фейсбук” хабар дод.
Манбаъ дар бораи сабаби марги Қурбониён чизе нагуфтааст ва танҳо аз номи “роҳбарият ва ҳайати кормандони ин ниҳод аз марги нобаҳангоми ӯ сахт андуҳгин шуда, дар ин рӯзҳои вазнину сангин ба аҳли оила ва наздикону пайвандонаш сабри ҷамил” хостааст.
Дар Вазорати молия ба "Азия-Плюс" гуфтанд, ки маросими намози ҷанозаи Қурбониён, пас аз асри имрӯз дар зодгоҳаш ноҳияи Данғара, баргузор мешавад.
Абдусалом Қурбонзода, дар ноябри соли 2013 баъди ташкили кобинаи нави ҳукумати Тоҷикистон вазири молия таъин шуд, ки то соли 2018 дар ин симат кор кард. Ӯ яке аз вазирони пурбаҳси молия дар Тоҷикистон буд, ки баъзе мушоҷираҳои расонаӣ бо ширкати алюминийи тоҷик - Талко низ дошт.
Абдусалом Қурбониён дар ноҳияи Данғара соли 1959 таваллуд шуда буд. Соли 1982 риштаи муҳандисии сохтмони Донишгоҳи техникии Тоҷикистон ва соли 1999 риштаи иқтисоди Донишкадаи андоз ва ҳуқуқро хатм карда буд. Ҳамчунин соли 2010 Академияи хизмати давлатии назди Президенти Федератсияи Русияро дар риштаи молия, андоз ва қарз низ хатм карда буд.
Ӯ ба унвони ташкилотчии идораи коммуналии ноҳияи Данғара корро оғоз карда, баъдан дар вазифаҳои челонгар, муҳандис, устои колоннаи сайёри механиконидашудаи №38 ноҳияи Данғара, солҳои 1986-1995 дар вазифаҳои гуногуни роҳбарӣ дар бахшҳои истеҳсолию иқтисодӣ дар сохторҳои дирексияи сохтмонии Вазорати мелиоратсия ва хоҷагии об дар вилояти Хатлон ва шаҳри Душанбе фаъолият намудааст.
Солҳои 1995-2006 дар вазифаҳои нозири калон, муовини сардор, сардори нозироти андози ноҳияи Данғара кор кардааст. То омадан ба мақоми вазири молия мудири Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
"Ҳастиаш ҳунар буд". Парда Қосимро дар оромгоҳи Лучоб ба хок супориданд
Аз 125 то 1200 сомонӣ. ФФТ қонуншиканҳоро ҷарима кард
Тоҷикистон боз ба Низоми ягонаи энергетикии Осиёи Марказӣ пайваст: акнун дигар лимит намешавад?
Аз соҳибкорӣ ва ноустуворӣ дар сиёсат то вакиливу боздошт. Усмонзода кист ва чаро боздошт шуд?
Медали тилло ва нуқраи қаиқрони тоҷик дар Чемпионати Осиё
Далер Ҷумъа: 70%-и барқи неругоҳи “Роғун” барои содирот пешбинӣ шудааст
Мақомот боздошти Акбаршо Искандаровро тасдиқ ё рад намекунанд
Парда Қосим, овозхони шинохтаи тоҷик аз олам даргузашт
Субҳон Ҷалилов мудири барномаҳои радиои “Азия - Плюс” шуд
“Ҳуқуқи мо”: Лоиҳаи нави “Азия-Плюс” барои муҳоҷирон
Кулли ахбор
Авторизуйтесь, пожалуйста