Дар Тоҷикистон 5 млн 30 ҳазор нафар ё беш аз 94 дарсади аҳолӣ бар зидди бемории COVID-19 ваксина зада шуданд.
Дар ин бора ба «Азия-Плюс» рӯзи 19 июл аз Вазорати тандурустӣ хабар доданд ва гуфтанд, ки то ин давра воя (доза)-и дуюми ваксинаро 5 млн 17 ҳазор нафар ё беш аз 92 дарсади аҳолӣ гирифтаанд.
- Ҳамзамон вояи сеюми ваксинаро 4 млн 4 ҳазор нафар ё 70 дарсади аҳолӣ қабул карданд. Дар ҳолати пайдо гардидани зарурат, захираҳои ваксина шумурда шуда, шаҳрвандон бо вояи чоруми ваксина низ фаро гирифта мешавад, - гуфтанд аз ин ниҳод.
Бояд гуфт, ки ба Тоҷикистон то имрӯз 15 млн 157 ҳазор воя ваксинаи зидди бемории коронавирус ворид шудааст.
Аз вазорати тандурустӣ, инчунин гуфтанд, ки гарчанде дар ҷумҳурӣ ҳолатҳои гирифторӣ ба бемории коронавирус ба қайд гирифта нашудааст, вале дар робита ба он ки дар кишварҳои ҳамсоя хуруҷи дубораи он авҷ гирифтааст, сокиноне, ки бар зидди бемории коронавирус ваксина нагирфтаанд, ба муассисаҳои тиббии ҷойи зисти худ барои ваксиназанӣ муроҷиат намоянд.
Қаблан, дар вазорат гуфта буданд, ки дар робита ба афзоиши ҳолатҳои сироят аз коронавирус дар кишварҳои ҳамсоя, санҷишҳоро дар ин самт дар сарҳад ва фурудгоҳҳо пурзӯр мекунанд. Мусофироне, ки тариқи роҳи ҳавоӣ ё заминӣ сафар мекунанд, бояд бо худ гувоҳнома (сертификат)-и ваксина зидди коронавирусро дошта бошанд.
“Ғайр аз ин, ҳарорат санҷида мешавад ва агар он баланд бошад, тести коронавирус гирифта шуда, танҳо пас аз маълум шудани натиҷаи тест чораҳои зарурӣ андешида мешаванд. Маълумоти шахс ба дармонгоҳи маҳалли зист фиристода шуда, ӯ зери муоинаи табибон қарор мегирад. Меҳмонони кишвар - ба дармонгоҳи макони иқомат (хонаи иҷора, меҳмонхона) фиристода мешаванд”, - гуфтанд дар ин ниҳод.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста