Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон гуфтааст, Тоҷикистон танҳо бо ширкати “Про-Форс”-и Британияи Кабир шартномаи ҳамкорӣ дорад ва аҳолӣ ба ширкатҳои миёнарав, ки ваъдаи корро дар Британия медиҳанд, бовар накунанд.
Ин ниҳод бо нашри як эълон дар сомонаи расмиаш зикр кард, ки бақайдгирии шаҳрвандон барои кори мавсимӣ дар Британияи Кабир танҳо тавассути МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе ба роҳ монда шуда, тамоми хидматрасониҳо ройгон мебошад.
Ин ниҳод зикр кардааст, ки хоҳишмандон метавонанд бо шиносномаи худ ба суроғаи зерин барои номнависӣ муроҷиат кунанд: ш. Душанбе, кўчаи Айни 121, телефонҳо 2250575, 2250221.
Ба иттилои манбаъ, раванди ба кор таъминкунии шаҳрвандон дар доираи барномаи кори мавсимӣ танҳо дар асоси озмун бо иштироки намояндагони ширкат амалӣ карда мешавад.
"Баъд аз гузаштан аз озмун, хароҷот вобаста ба омода кардани раводид ва арзиши чиптаи ҳавоӣ аз ҷониби худи номзад пардохт карда мешавад”, - омадааст дар эълони Хадамоти муҳоҷират.
Ин ниҳод аз аҳолӣ хоҳиш кардааст, ки “ба ягон нафар ё ширкати миёнарав бовар накунед ва ҳангоми даст задан ба ҳолатҳои пешниҳоди кори қалбакӣ дар Британияи Кабир ба телефонҳои боварии Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон - 225-07- 28; 225-07-33 занг занед”.
Қаблан, сафорати Британияи Кабир дар Тоҷикистон аз ҳодисаҳои зиёди пешниҳоди қалбакии таъмин бо кор дар соҳаи кишоварзии ин кишвар нигаронӣ карда, тарзи дурусти муроҷиат барои кор дар ин кишварро шарҳ дода буд.
Ёдрас мешавем, ки Хадамоти муҳоҷирати Тоҷикистон давоми ду соли охир муҳоҷирони кории тоҷикро барои кори мавсимӣ ба Британияи Кабир равон мекунад. Танҳо соли гузашта 383 нафар шаҳрванди Тоҷикистон барои кор ба Британияи Кабир фиристода шудаанд.
Шаҳрвандони Тоҷикистон асосан ба корҳои мавсимӣ дар саҳроҳои кушод ва гармхонаҳо машғул шуда, ҳосили буттамевагиҳо (қулфинай ва ғайра) ва дигар сабзавоту меваҳоро ҷамъоварӣ мекунанд.
Ҳамчунин зикр гардида буд, ки арзиши сафар ба Британияи Кабир аз ҷониби худи хоҳишмандон пардохт шуда, барои ин ба онҳо аз 1 то 1,5 ҳазор доллар лозим аст. Ҳамчунин аз хоҳишмандон донистани забони англисӣ дар сатҳи муошират талаб мешуд.
Муҳлати шартномаи меҳнатӣ ҳамагӣ 6 моҳро ташкил медиҳад ва пас аз ним соли кор муҳоҷири тоҷик бояд ба хонааш баргардад.
Масъулини Вазорати меҳнат, муҳоҷиарт ва шуғли аҳолӣ мегӯянд, ки “муҳоҷироне, ки рафта омаданд, аз маош ва шароити корӣ хеле қаноатманданд”.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста