Душанбе. 23-уми октябр. ОИ «Азия-Плюс» - Эъломияи шарикии конфронси «Идораи марзҳо ва назорати маводи нашъаовар дар Осиёи Марказӣ»-ро, ки чанде қабл дар шаҳри Душанбе анҷом ёфт, аксарияти иштирокдорони конфронси мазкур маъқул шумориданд.
Тавре сардори ситоди Агентии назорати маводи нашъаовари назди президенти Тоҷикистон полковник Фахриддин Ҷонмаҳмадов ба ОИ «Азия-Плюс» хабар дод, дар Эъломия, аз ҷумла гуфта мешавад: «Мо саъйу талошамонро ба таҳкими ҳамкориҳои минтақавӣ ва байнулмилалӣ дар беҳбуди идораи марзҳо ва назорат аз болои маводи мухаддир изҳор дошта, ба иқдомоти пшгирифта дар ин самт ҳамеша мусоидат хоҳем кард».
Дар Эъломия зикр гардидааст, ки кишварҳои иштироккунандаи конфронс ташаббусҳои зоҳиргашта баҳри таҳкими идораи марзҳо ва назорат аз болои маводи мухаддирро, ки бар асоси созишномаҳои шарикӣ ва чорабиниҳои муштарак дар чаҳорчӯбаи статегияи Иттиҳоди Аврупо дар Осиёи Марказӣ, Стратегияи минтақавии СММ оид ба ҷинояткорӣ ва мубориза бо қочоқи маводи мухаддир дар марзҳои кишварҳои минтақа ва Афғонистон, тадбирҳои САҲА, СААД, ИДМ ва СҲШ ба тасвиб расидааст, мақул шуморида, онро ҳамаҷониба дастгирӣ мекунанд.
«Танҳо ҳайати Ӯзбекистон изҳор дошт, ки матни Эъломия ба онҳо чанде қабл аз баргузории конфронс дастрас шудааст ва ба иллати камии вақт натавонистаанд, ки онро ҳамаҷониба бараасӣ кунанд, - идома дод манбаъ. - Аз ин рӯ, онҳо дар баррасии эъломия ҳузур надоштанд ва тасвиби онро низ мавқуф гузоштанд».
Ба қавли Ф.Ҷонмаҳмадов, тасвиби Эъломияи Душанбе озоду кушод буда, ҳар кишвари хоҳишманд ё созмони байнулмилалӣ метавонад онро дар вақти дилхоҳ ба имзо расонад.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста