Пас аз дидору мулоқотҳо ва иштирок дар нишасти Созмони ҳамкории Шонгҳой (СҲШ) Антониу Гутерриш, дабири кулли Созмони миллали муттаҳид ва Си Ҷинпин, раиси ҷумҳури Чин шоми 4-уми июл ба Душанбе омаданд.
Антониу Гутерришро дар Фурудгоҳи байналмилалии Душанбе Ҳоким Холиқзода, муовини аввали нахуствазири Тоҷикистон пешвоз гирифт.
Ба иттилои хабаргузории давлатии “Ховар” Антониу Гутерриш бо раиси ҷумҳур Эмомалӣ Раҳмон мулоқот мекунад. Ҷузъиёти дигари сафари дабири куллии СММ ба Тоҷикистон маълум нест.
Сафари Дабири кулли СММ ба минтақаи Осиёи Марказӣ 29-уми июн оғоз шуд. Антониу Гутерриш пеш аз ин дар Узбекистон, Қирғизистон ва Қазоқистон буд. Ӯ дар шаҳри Остона дар нишасти сарони кишварҳои узви Созмони ҳамкориҳои Шонгҳой ширкат кард.
Раҳбари СММ Антонио Гутерриш бори охир ба Тоҷикистон ва кишварҳои Осиёи Марказӣ соли 2017 сафар карда буд.
Ҳамчунин, шаби 4-уми июл раиси ҷумҳури Чин Си Ҷинпин низ аз Остона ба Душанбе омад. Ӯро дар Фурудгоҳи байналмилалии Душанбе Эмомалӣ Раҳмон, раиси ҷумҳури Тоҷикистон пешвоз гирифт.
Ба ифтихори меҳмон фурудгоҳ бо парчамҳои давлатии ду кишвар, расмҳои сарони Тоҷикистону Чин ва шиорҳо дар бораи дӯстии халқҳои ду давлат оро дода шуд.
Ба иттилои расмӣ, сафари Си Ҷинпин ба Тоҷикистон то 6-уми июл давом мекунад. Вазорати корҳои хориҷии Тоҷикистон қаблан гуфта буд, роҳбари Чин ба ғайр аз мулоқот бо мақомдорони баландпоя дар чорабиниҳои расмӣ ширкат мекунад. Аммо мақомот аз ин чорабиниҳо ном набурданд. Танҳо тахмин меравад, ки Си Ҷинпин дар маросими ифтитоҳи бинои нави ҳукумат ва порлумони Тоҷикистон ширкат мекунад. Ин ду бино бо маблағи Чин сохта шудаанд.
“Аудикитоб” бо Субҳон Ҷалилов. Маснавии маънавӣ. Ҳикояи “Оташ ва саҷда бар бут”
Радар ва камераҳои Душанбе. Дар куҷо насб гардида, кадом қонуншиканиҳоро сабт мекунанд ва андозаи ҷаримаҳо чӣ қадар аст?
“Аудикитоб” бо Субҳон Ҷалилов. Маснавии маънавӣ. Ҳикояи “Ишқи шоҳ ба каниз”
“Аудикитоб” бо Субҳон Ҷалилов. Маснавии маънавӣ. Пешгуфтор ва ҳикояи “Баққол ва тӯтӣ”
“Дилшоди СБ” дар Тоҷикистон ва бо ҳузури худаш муҳокима шудааст
Эмомалӣ Раҳмон ва Си Ҷинпин аз “ҳамкории муваффақ”, “ояндаи дурахшон” ва “сарнавишти ягона” гуфтанд
Интиқоли пул ба Тоҷикистон дар замони ҷанги Русия ва Украина қариб ду баробар афзуд
Оғози парвандаи ҷиноятӣ нисбати ду зане, ки ҳамсояи худро латукӯб карданд
Ташкили ҳукумати ҳамашумул. Путин бори дигар ба талаби Тоҷикистон аз Толибон таъкид кард
Зиёда аз 500 муҳоҷир маҷбурӣ аз Хабаровск хориҷ шуданд
Кулли ахбор
Авторизуйтесь, пожалуйста