Кароматулло Раҳимзода, роҳбари пешини Филармонияи давлатии Тоҷикистон хабари ифтитоҳи парванда нисбаташро рад карда, гуфт, “он маблағро нагирифтаам”.
Бояд гуфт, ки хабари ифтитоҳи парванда нисбати Кароматулло Раҳимзода, сармуҳосиби ин муассиса Баҳриддинов С.С. ва соҳибкор Якубов Ш.А. бо гумони азхудкунии 834 ҳазору 441 сомонӣ аввал дар саҳифаи Агентии зиддифасод дар шабакаи иҷтимоии фейсбук нашр гардид, вале баъди чанде пок карда шуд.
Пас аз нисфирӯзии имрӯз, 9-уми июл, Кароматулло Раҳимзода зимни суҳбати бидуни сабт, ба “Азия-Плюс” гуфт, ки ин маблағро нагирифтааст ва нисбаташ парванда ҳам боз нагардидааст.
“Директори Филармонияи давлатӣ нав шуд ва ӯ дархост кард, ки фаъолияти молиявии корхона санҷида шавад. Дар пайи санҷиш баъзе мушкили муҳосибот ва ҳуҷҷатҳои сари вақт дурустнакардаи молиявӣ маълум гардид. Маро ҳамчун роҳбари пешини ин муассиса даъват карда, ба баъзе саволҳо посух гирифтанд, аммо нисбати ман парванда боз нашудааст”,- гуфт ӯ.
Кароматулло Раҳимзода таъкид кард, ки маблағи зикршударо нагирифтааст ва намедонад, ки чаро ин хабар нашр шуд.
“Шояд инҷо хатогие шудааст”, - кӯтоҳ хулоса кард ӯ.
Як масъули Агентии зиддифасод ҳам дар суҳбат ба хабарнигори “Азия-Плюс” сабаби пок кардани хабар аз саҳифаи фейсбукро ба хатогӣ дар хабар рабт дод.
Ӯ гуфт, “иштибоҳе сар задааст ва онро ислоҳ мекунанд”.
Ёдовар мешавем, ки Кароматулло Раҳимзода аз соли 2020 то 2023 роҳбари Филармонияи давлатии Тоҷикистон буд. Ӯ солҳо дар бахши фарҳангу санъати Тоҷикистон, аз ҷумла дар Консерваторияи миллӣ ба ҳайси устод кор кардааст. Пеш аз директори Филармонияи давлатӣ шудан директори Мактаби мусиқии ба номи Миратулло Атоев буд.
Данғараи Боло–Раҳмониён, Қирғизобод-Ҳазордеҳ, Қайрағоч-Қадамҷо. Номи беш аз 500 деҳа дар Тоҷикистон иваз шуд
Ӯзбекистон ба ҳамсояҳояш пешниҳод кард, шиносномаҳои дохилии ҳамдигарро эътироф кунанд. Ин чӣ маъно дорад?
Рақобати Муин Ғафуров дар UFC бо варзишгари Ҷопон, ки ҳоло таъми бохтро начашидааст
Ҷабҳаи муқовимат гуфт, дар ҳамла ба қароргоҳи Толибон дар Панҷшер 13 толиб кушта шуд
Латукӯби омӯзгор аз сӯи волидайни як хонанда дар Ваҳдат
Русия ба Тоҷикистон зиёда аз 370 ҳазор китоби дарсии забони русӣ дод
“Аудиокитоб” бо Субҳон Ҷалилов. Маснавии маънавӣ. Ҳикояи "Аждаҳои хуфта"
Нигаронии Қоҳир Расулзода аз нақзи ҳуқуқи муҳоҷирони кории тоҷик дар Русия
Игор Черевченко сармураббигии “Истиқлол”-ро боз ба дӯш гирифт
Имрӯз Эмомалӣ Раҳмон ба Русия меравад
Кулли ахбор
Авторизуйтесь, пожалуйста