Имрӯз, 12-уми сентябр дар Душанбе таҳти унвони “Нақши олимон ва донишмандони тоҷик дар рушди фарҳанг ва тамаддуни исломӣ” конфронси байналмилалӣ оғоз гардид.
Дар он профессорон, ходимони илмӣ ва донишҷӯёни донишгоҳҳои Арабистони Саудӣ, Аморати Муттаҳидаи Араб, Миср, Бангладеш, Бруней Доруссалом, Ҷибути, Ӯзбекистон, Туркманистон, Эрон, Туркия, Қувайт, Алҷазоир ва олимону донишмандони Тоҷикистон иштирок ва суханронӣ намуданд.
Конфронсро Шарифзода Фаррух, муовини вазири корҳои хориҷии Тоҷикистон оғоз карда, дар бораи нақш ва эҷодиёти мутафаккирони барҷастаи тоҷик дар ҷаҳони ислом сухан гуфт.
Дар ҷаласаҳои панелӣ олимону донишмандони дохиливу хориҷӣ дар бораи саҳми таърихии донишмандони тоҷик, чун Мавлоно Ҷалолуддини Балхӣ, Абӯалӣ ибни Сино, Мир Саид Алии Ҳамадонӣ, Аҳмади Дониш, Садриддин Айнӣ, Абӯрайҳони Берунӣ, Абдураҳмони Ҷомӣ дар рушди равияҳои фарҳанги исломӣ гуфтанд.
Аз ҷумла, Кароматулло Олимов, академики тоҷик хидмати бузургони гузаштаи тоҷикро барои инсоният бузург арзёбӣ карда, гуфт, “андешаҳои донишмандони гузаштаи тоҷик на танҳо барои ҷаҳони ислом, инчунин ба тамоми ҷаҳон барои таблиғи ақидаҳои инсонпарварона, таҳаммулпазирӣ, даъват ба дӯстӣ, зиддият бо ҷангу ҷаҳолат ва таблиғи маорифу маърифату дониш то имрӯз хизмат мекунанд”.
Доктор Азеддин Бензежиба, намояндаи маркази фарҳанг ва мероси “Ҷумъа Ал-Маҷид”-и Аморати Муттаҳидаи Араб пешниҳод кард, ки дар Тоҷикистон “Маркази эҳёи маърифатии Мовароуннаҳр” таъсис дода шавад. Ин пешниҳод ба таври хаттӣ ирсол шуд ва мавриди муҳокима қарор дорад.
Бояд гуфт, конфронс ду рӯз, 12-13 сентябр давом хоҳад кард. Дар назар аст, ки дар доираи он дар Маркази мероси хаттӣ намоишгоҳ баргузор гардад ва меҳмонон ҳамчунин аз Осорхонаи миллӣ боздид кунанд.
"Пештар обрӯяш бештар буд". Имрӯз омӯзгори тоҷик чӣ мақом дорад ва чӣ тавр онро баланд бардорем?
Ҷалби Олмон ба сохтмони “Роғун”. Эмомалӣ Раҳмон дар Остона чӣ гуфту чӣ шунид?
Боз бидуни шарҳ. Вохӯрии навбатии ҳайатҳои Тоҷикистону Қирғизистон оид ба муайян кардани хатти марз
Cохтмони 36 манзил барои осебдидагон аз офат дар Фархор дар арафаи анҷомёбист
Бидуни об ва бе шароити зист. Зиндагии муҳоҷирони экологӣ дар Тоҷикистон
“Биёрой рӯи заминро ба меҳр”. Бузургдошти ду чеҳраи илму адаби тоҷик дар Машҳад
"Ба ин гурӯҳҳо иртиботе надорем" “Душанбе Сити” пайдо шудани гурӯҳҳои шабҳанок аз номи бонкро шарҳ дод
Дар Тоҷикистон тайи даҳсолаи ахир зиёда аз 4 ҳазор офати табиӣ рух дод
Пешниҳоди таъсиси боз як қувваи зиддитолибонӣ. Ҳизбу шӯрову ҷабҳаҳои "собиқадор" чӣ ҳол доранд?
Як сокини Деваштич барои ба худкушӣ расонидани келинаш 5 сол равонаи зиндон шуд
Кулли ахбор
Авторизуйтесь, пожалуйста