Эмомалӣ Раҳмон, раисҷумҳури Тоҷикистон дар ҳошияи нишасти дуюми сарони давлатҳои Осиёи Марказӣ ва Олмон аз Олаф Шолтс, садри аъзами Олмон хост, кишвараш дар сохтмони НБО “Роғун” саҳм гирад.
Хадамоти матбуотии президенти Тоҷикистон навишт, ки Эмомалӣ Раҳмон бо ишора ба саҳмгузории Олмон дар сохтмони неругоҳҳои “Тоҷикистон” ва “Себзор” дар ВМКБ, ҳамчунин, навсозии неругоҳи “Норак” дар суҳбат бо Олаф Шолтс “изҳори бовар намуданд, ки ин таҷриба метавонад дар сохтмони неругоҳи Роғун низ идома ёбад”.
Мулоқоти онҳо дар ҳошияи нишасти дуввуми сарони давлатҳои Осиёи Марказӣ ва Олмон, ки имрӯз, 17-уми сентябр, дар шаҳри Остона баргузор шуд, гузашт.
Олмон дар Тоҷикистон барномаҳои зиёде барои ҳифзи муҳити зистро аз тариқи Созмони олмонии ҳамкории байнулмилалӣ (GIZ) ва Бонки олмонии рушд (KfW) маблағгузорӣ мекунад. Олмон ваъдаи ҳамкориҳои бештар дар истихроҷу коркарди маъдан, бахусус элементҳои нодир, бахши энергетика масоили амниятиро додааст.
“Мо ширкатҳои дорои нуфузи ҷаҳонии Олмонро ба ҳамкорӣ бо Тоҷикистон ташвиқ менамоем”, – таъкид доштааст Олаф Шолтс.
Таҳсили ҷавонони тоҷик дар Олмон ҳам дар мулоқот баҳс шудааст ва Эмомалӣ Раҳмон гуфтааст, ки “бо назардошти рағбати зиёди ҷавонони Тоҷикистон, кишвари мо ҷиҳати ҷорӣ намудани барномаҳои таълимии забономӯзию касбӣ омодаи тавсеаи ҳамкорӣ бо Олмон аст”.
Президенти Тоҷикистон Олаф Шолтсро барои анҷоми сафари расмӣ ба Тоҷикистон даъват кардааст.
Бояд гуфт, ки Олаф Шолтс бори аввал ба Осиёи Марказӣ сафар кард ва аввал аз Ӯзбекистон ва баъдан ба Қазоқистон рафта, бо ин кишварҳо чанд ҳуҷҷати муҳимро ба имзо расонид.
Эмомалӣ Раҳмон ҳамчунин, дар нишасти дуввуми сарони давлатҳои Осиёи марказӣ ва Олмон ширкат ва суханронӣ кардааст.
Манбаъ менависад, ки сарвари давлат ҳамкориҳои минтақа бо Олмонро дар самти истифодаи захираҳои табиӣ ва имкониятҳои молиявию технологии Олмон муҳим арзёбӣ кардааст.
Ӯ таъкид кардааст, ки Тоҷикистон дорои захираҳои ғании табиӣ, аз ҷумла манбаъҳои тавлиди “энергияи сабз” буда, 98 дарсади нерӯи барқи он аз манбаъҳои барқароршаванда гирифта мешавад.
Дар ин нишаст бештар ба самти иқтисодӣ ва тиҷоративу сармоягузорӣ аҳамият дода шуд.
Аз ҷумла, Эмомалӣ Раҳмон умедворӣ кардааст, ки “натиҷаҳои нишасти дуюми Сарони давлатҳои Осиёи Марказӣ ва Олмон барои боз ҳам мустаҳкам шудани муносибатҳои ҳамкорӣ ба нафъи мардумони кишварҳо мусоидат мекунад”.
Дар анҷоми нишаст Эъломияи муштараки Сарони давлатҳои Осиёи Марказӣ ва Олмон қабул гардид.
Зимнан, дар ҳошияи ин нишаст, Эмомалӣ Раҳмон дар Форуми иқтисодии Осиёи Марказӣ ва Олмон суханронӣ кардаст.
Ӯ аз ҷумла, саҳми ширкатҳои аврупоиро дар ворид сохтани технологияҳои нав ба соҳаи гидроэнергетикаи кишвар таъкид кардааст.
“Татбиқи тарҳҳои бузурги соҳаи гидроэнергетика дар Тоҷикистон намунаи возеҳи ҷалби технология ва таҷрибаи пешрафтаи аврупоӣ ба мақсади “рушди сабз”-и кишвари мо номида шуд”, - гуфат Эмомалӣ Раҳмон.
Раисҷумҳур иттилоъ додааст, ки дар Тоҷикистон 800 кони канданиҳои фоиданок кашф гардида, дар бораи “имконоти мусоиди ба роҳ мондани истеҳсоли мошинҳои барқӣ, таҷҳизоти маҳфуздорандаи энергия ва электротехникӣ” андешаронӣ кардааст.
Ӯ гуфтааст, Тоҷикистон “барои фаъолияти муваффақи сармоягузорону соҳибкорони хориҷӣ шароити мусоид фароҳам овардааст”.
“Ҷорӣ намудани низоми якҷонибаи бераводид барои шаҳрвандони як қатор кишварҳо, аз ҷумла Олмон, барои будубош дар Тоҷикистон ба муҳлати то 30 рӯз яке аз омилҳои дигари мусоиди ҳамкорӣ маънидод гардид”,-гуфтааст ӯ.
Бодя гуфт, ки ин дуввумин нишасти сарони давлатҳои Осиёи Марказӣ ва Олмон аст. Нишасти нахустини сарони давлатҳои Осиёи Марказӣ + Олмон моҳи сентябри соли гузашта дар шаҳри Берлини Олмон бо ширкати роҳбарони 5 кишвари Осиёи Марказӣ ва Президенти Олмон Франк-Валтер Штайнмайер баргузор шуда буд.
“Аудиокитоб” бо Субҳон Ҷалилов. Маснавии маънавӣ. Ҳикояи “Нишони зоҳиру ботин”
“Зада, миёнамро маъиб карданд”. Қиссаи муҳоҷирони тоҷики аз Русия ихроҷшуда
"Равшан" аз Ҳиндустон бо як имтиёз бармегардад
“Султони ишқу шаҳриёри шеър”. Ёде аз Шаҳриёр, шоири форсизабон, ки дар Тоҷикистон ҳам ҳаводор дорад
Ҳайати мунтахаби Тоҷикистон дар Чемпионати ҷудои ҷаҳон байни наврасон маълум шуд
“Биёед чароғҳоро дубора фурӯзон кунем”. Чӣ яғнобиҳоро водор мекунад ба мулки падарии худ баргарданд?
Боздошти як ҷавон бо гумони куштори хоҳараш бо 9 зарби корд
Ҷабҳаи муқовимат ҳушдор додааст, ки ДОИШ қасди ҳамла ба сафоратхонаҳои хориҷӣ дар Кобулро дорад
Таҳкими озодии баён ва дифоъ аз журналистон. 25 соли роҳи пур аз шебу фарози АМВАОМТ
“Аудиокитоб” бо Субҳон Ҷалилов. Маснавии маънавӣ. Ҳикояи “Дониши бесамар”
Кулли ахбор
Авторизуйтесь, пожалуйста