Додгоҳи вилояти Суғд шикояти Хуршед Фозилов, яке аз рӯзноманигорони маҳкумшудаи тоҷик ва вакилони дифои ӯро дар мавриди бекор кардани ҳукми Додгоҳи шаҳри Панҷакент бетағйир гузоштааст. Дар ин бора аз Додгоҳи олии Тоҷикистон имрӯз, 14-уми август дар нишасти хабарӣ иттилоъ доданд.
Масъулуни ин ниҳод гуфтанд, марҳилаи касатсионии додгоҳи Хуршед Фозилов як моҳи пеш, 12-уми июл баргузор гардида, додгоҳи вилоят қарори 7 сол ҳабси ӯро бетағйир гузоштааст.
Рӯзи 26-уми майи соли 2023 Додгоҳи шаҳри Панҷакент дар Боздоштгоҳи муваққатии шаҳри Хуҷанд Хуршед Фозиловро ба иттиҳоми узвият дар созмонҳои мамнуъ 7 сол равонаи зиндон карда буд.
Пас аз ҳукм, пайвандон ва вакилони дифои рӯзноманигор ба зинаи касатсионии Додгоҳи вилояти Суғд шикоят бурда буданд.
Акнун маълум нест, ки наздикон ва ваиклони дифои Хуршед Фозилов ба зинаҳои болоии додгоҳ шикоят бурдаанд ё не.
Яке аз наздикони ин рӯзноманигор аз ин тасмим изҳори бехабарӣ кард ва гуфт, як ҳафта пештар Хуршед Фозилов аз Боздоштгоҳи шаҳри Хуҷанд ба зиндон интиқол ёфт.
Мақомот Хуршед Фозиловро барои ҳамкорӣ бо ҳизбу ҳаракатҳои дар Тоҷикистон мамнӯъ айбдор мекунанд. Вале худи Хуршед Фозилов, тавассути вакили дифоаш гуфтааст, ӯро маҷбур карданд, ки бар зидди худаш баёнот диҳад ва ҳеҷ гоҳ бо созмонҳои мамнӯъ дар кишвар ҳамкорӣ надоштааст.
Пештар аз ин Кумитаи дифоъ аз рӯзноманигорон (CPJ) аз мақомоти Тоҷикистон хоста буд, ки ин рӯзноманигорро раҳо карда, ба таъқиби хабарнигорон хотима диҳад.
Хуршед Фозилов, ки аз минтақаи Зарафшон барои расонаҳои кишвар хабару гузориш ва мақолаҳо менавишт, 6-уми марти соли 2023 аз сӯи кормандони шуъбаи амнияти шаҳри Панҷакант боздошт ва дертар ба Боздоштгоҳи муваққатии шаҳри Хуҷанд бурда шуд.
Дар як соли охир ин аллакай, панҷумин рӯзноманигори тоҷик аст, ки аз сӯи мақомот боздошт ва бо иттиҳоми ҳамкорӣ бо созмонҳои мамнуъ дар кишвар ё моддаи 307-и Кодекси ҷиноятӣ гумонбар аст.
Аз ин пеш, Далери Имомалӣ, Абудуллоҳ Ғурбатӣ, Завқибек Саидаминӣ ва Абдусаттор Пирмуҳаммадзода, чор рӯзноманигори тоҷик айнан бо ҳамин ҷурм дастгир ва бо ҳукми додгоҳ аз 7 то 10 сол аз озоӣ маҳрум карда шуданд.
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Чорабиниҳои фарҳангӣ бахшида ба Рӯзи истиқлол. Кай ва дар куҷо чӣ мегузарад?
Кулли ахбор
Авторизуйтесь, пожалуйста