Як корманди Нозироти андоз дар шаҳри Ваҳдат барои гирифтани 10 ҳазор сомонӣ пора аз як шаҳрванд дар ҷои ҳодиса дастгир шуд, хабар медиҳад, маркази матбуоти Оҷонсии зиддифасоди Тоҷикистон.
Ин ниҳод, аз ӯ Ҳабибов З.К., мутахассиси пешбари гурӯҳи хизматрасонӣ ба соҳибкорони инфиродии шуъбаи хизматрасонӣ ба андозсупорандагони Нозироти андози шаҳри Ваҳдат ном бурдааст, ки аз моҳи октябри соли 2023 дар ин мақом кор мекард.
Ӯ моҳи марти соли 2024 аз як шаҳрванд “барои тартиб додани санади муқоисавӣ ва мусоидат кардан ҷиҳати қатъ намудани фаъолияти соҳибкорӣ” 10 ҳазор сомонӣ пора талаб карда, зимни гирифтани маблағҳо аз тарафи кормандони Оҷонсии зиддифасод дар ҷойи ҳодиса дастгир гардидааст.
Ба иттилои манбаъ, ҳоло нисбати Ҳабибов барои гирифтани пора аз ҷониби шахси мансабдор (моддаи 319 қисми 1) парвандаи ҷиноятӣ боз шуда, баъди анҷоми тафтиши пешакӣ барои баррасӣ ба додгоҳ ирсол шудааст.
Ин банди қонунгузорӣ аз 262 ҳазор то 657 ҳазор сомонӣ ҷарима (аз 3650 то 9125 нишондиҳанда барои ҳисобҳо-як нишондиҳанда 72 сомонӣ) ё то 5 соли зиндонро пешбинӣ мекунад.
Назари худи Ҳабибов, наздикон ва вакили дифои ӯ маълум нест.
Боздошти корманди нозироти андози Ваҳдат барои ришваситонӣ ҳодисаи нав нест. Қаблан, низ як корманди дигари ин ниҳодро барои гирифтани 10 ҳазор сомонӣ ришва боздошт карда буданд.
Фейк | Маводи мухаддир бо номи “клубничный квик” дар мактабҳо
“Аудиокитоб” бо Субҳон Ҷалилов. Маснавии маънавӣ. Ҳикояи “Пурсиши ориф аз кашиш”
Содироти мева аз Тоҷикистон афзуда, лекин фурӯши сабзавот ба хориҷа 2 баробар кам шуд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 10 феврали соли 2025
Нигоҳдории кадом чорво дар пойтахт манъ аст ва барои нақзи он чӣ ҷазо пешбинӣ шудааст?
"Ба ин касб дил бастам”. Қиссаи ронандаи зеботарин автобуси Душанбе
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 9 феврали соли 2025
Комиссияи марказии интихобот 2 номзади Ҳизби демократро ба қайд нагирифт
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 8 феврали соли 2025
САҲА интихоботи Тоҷикистон назорат намекунад. Ин ба раванди интихобот чӣ таъсир мерасонад?
Кулли ахбор
Авторизуйтесь, пожалуйста