Душанбе. 25 апрел. «Азия-Плюс» - | Дар рафти вохӯрии вакили палатаи поёнии парлумони кишвар, раиси Ҳизби Нахзати исломии Тоҷикистон Муҳиддин Кабирӣ бо сокинони рустои «1 май»- и ҷамоати Қӯштеппаи ноҳияи Рӯдакӣ, роҳи ҳалли мушкили тахриби манзилҳои зисти мардуми маҳаллӣ баррасӣ шуд.
Тавре Муҳиддин Кабирӣ ба «АП» хабар дод, мувофиқи ҳуҷҷатҳое, ки сокинони рустои «1май» дар даст доранд, замин дар асоси қарори марбутаи ҳукумати маҳаллӣ тақсим карда шудаст.
«Ман, ҳамчун вакили Маҷлиси намояндагони Маҷлиси Олии Тоҷикистон дар ҷамъбасти вохӯрии имруза, ки бо иштироки намояндагони мақомоти маҳалии ҳукумати давлатӣ баргузор гашт, тасмим дорам бо дархост ба унвони раҳбарияти палатаи поёнии парлумони кишвар барои таъсис додани комисияи махсус оид ба омӯзиши масъалаи қонунии тахриби манзилҳои сокинони рустои «1май» муроҷиат намоям. Ман исрор мекунам, то ба ҳайати комисия намояндагони ҳукумат, прокуратура, вакилон, намояндагони ВАО ва инчунин худи сокинони русто шомил бошанд», - изҳор дошт раиси ҲНИТ.
Кабирӣ мӯътақид аст, ки чунин амали намояндагони ҳукумат дар қаламрави рустои «1 май» боиси аз байн рафтани эътиқоди мардум ба ҳукумати кишвар мегардад.
«Ба андешаи ман,агар дар тақсимоти замин дар рустои номбаршуда хатоие бошад, он аз ҷониби намояндагони ҳукумати маҳалӣ роҳ дода шудаст ва имруз ҳукумат бояд ба он иқрор шавад. Нафаронеро, ки боиси сар задани чунин мушкили шуданд ҷазо дода зарари расонда ба сокинони рустои «1май» ҷуброн карда шавад»,- афзуд Муҳиддин Кабирӣ.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста