Душанбе. 24-уми май. «Азия-Плюс» — Чанде қабл зимни мулоқоти муовини аввали вазири корҳои хориҷии Тоҷикистон Маҳмудҷон Собиров бо муовини аввали ёвари котиби давлатии ИМА оид ба Осиёи Ҷанубӣ ва Марказӣ Ҷефри Пятт масоили барқарорсозии иқтисоди Афғонистон, роҳандозии ҳамкории дуҷониба дар бахши таъмини амнияти марзҳо ва амалисозии лоиҳаҳои энергетики САSA-1000 ва нерӯгоҳи барқӣ-обии «Роғун» мавриди баррасӣ қарор гирифтанд.
Тавре ба ОИ «Азия-Плюс» аз департаменти иттилооти Вазорати корҳои хориҷии ҷумҳурӣ иттилоъ доданд, дар мулоқот зикр гардид, ки муносиботи ИМА ва Афғонистон сатҳи навро касб кардаанд ва акнун ИМА бо мақсади таҳкими сулҳ ва рушди иқтисодиву иҷтимоии бемайлони Афғонистон кӯшиш ба харҷ хоҳад дод.
Таъкид гардид, ки Тоҷикистон ба таври назаррас метавонад дар ноил гардидан ба ин ҳадафҳо, бахусус дар рушди зербинои иқтисод ва таъмини Афғонистон бо нерӯи барқ кӯмаки муассир расонад.
Ба иттилои манбаъ, Ҷефри Пятт ҳамчунин омодагии ИМА-ро дар мусоидат бахшидан ба рушди тиҷорат миёни Осиёи Марказӣ ва Ҷанубӣ изҳор доштааст.
Дар навбати худ, Маҳмудҷон Собиров изҳори умедворӣ кард, ки ИМА Тоҷикистонро ҳамчунин дар амалисозии лоиҳаҳои энергетикӣ низ дастгирӣ хоҳад кард, зеро татбиқи ин лоиҳаҳо натанҳо ба рушди иқтисодии Тоҷикистон, балки тамоми минтақа мусоидат намуда, ба ҷумҳурӣ ҷиҳати содироти нерӯи арзони барқ ба кишварҳои минтақаи Осиёи Ҷанубӣ шароити мусоид фароҳам меоранд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста