Кореяи Ҷанубӣ пешниҳоди квота барои коргарон аз Тоҷикистонро ба таъхир мегузорад. Сабаб чунин иқдом риоя нашудани қоидаҳои будубош дар ин кишвар аз ҷониби муҳоҷирони кории тоҷик дар ҷараёни аввалин сафарбарии муташаккилона будааст.
Рӯзи 10 октябри соли гузашта бар асоси созишномаи дуҷониба бо ҳукумати Корея авввалин гурӯҳи муҳоҷирони кории тоҷик ба ин кишвар раҳсипор шуд. Ин нахустин ҳолати муҳоҷирати расмии кории шаҳрвандони Тоҷикистон ба Ҷумҳурии Корея маҳсуб меёбад.
Имзои созишномаи оянда дар бораи ҷалби қувваи корӣ аз Тоҷикистон ба ин кишвар ба натиҷаи аввалин сафарбарии муҳоҷирон вобаста буд.
Лекин натиҷаҳо барои коргарони Тоҷикистон хушбин нестанд, зеро беш аз нисфи муҳоҷирони корие, тирамоҳ фиристода шуда буданд, ба Ватан барнагашта, кори ғайриқонуниро афзалтар донистанд.
Бино ба маълумоти Хадамоти муҳоҷирати Вазорати меҳнат, айни замон 28 нафар коргарон аз Тоҷикистон ғайриқонунӣ дар Кореяи Ҷанубӣ ҳузур доранд ва ин омил ҷараёни имзои созишномаи корӣ бо ин кишварро душвор мекунад.
“Тоҷикистон ба сафи кишвраҳое, ки аз онҳо ба Кореяи Ҷанубӣ қувваи корӣ фиристода мешавад, шомил нашуд. Умедворем, ки рӯзҳои наздик ин масъала мусбат ҳаллу фасл мешавад, зеро созишнома аллакай имзо шудааст. Сипас дар бораи ҷудо гардидани квотаҳо сухан хоҳад рафт. Агар квотаҳоро ҷудо кунанд, раводиди корӣ ба муҳлати на 6 моҳ, балки ба мисли Британияи Кабир ба муҳлати 1 сол дода мешавад”, - гуфтанд дар Хадамоти муҳоҷират.
Айни замон Вазорати меҳнати Тоҷикистон ҷиҳати ҷорӣ намудани низоми иҷозатномаи ҷалб ба кори EPS (Employment Permit System) дар корхонаҳои хурду миёна дар Ҷумҳурии Корея тадбирҳо меандешад.
Тавре ки ба “Азия-Плюс” аз раҳбарияти ин ниҳод хабар доданд, моҳи майи соли ҷорӣ як ҳайати коршиносони кореягӣ бо мақсади омӯзиши низоми муҳоҷират ба Тоҷикистон ташриф овард, бо фаъолияти сохтору муассисаҳои дахлдори кишвари мо аз наздик шинос шуд.
“Яке аз мушкилот ва шарти асосии ворид шудани ҷониби Корея ба ин низом баргаштани шаҳрвандони аз Ҷумҳурии Корея мебошад”, - гуфтанд дар ин ниҳод.
Дар ин робита Вазорати меҳнат, муҳоҷират ва шуғли аҳолии Тоҷикистон ба наздикону пайвандони муҳоҷирони қонуншикан муроҷиат намуда, хоҳиш мекунад, ки онҳоро барои ба ватан баргаштан даъват кунанд. Вазорат ваъда медиҳад, ки баъди баргаштан “шаҳрвандон ба ҷавобгарии маъмурӣ ҷалб нашуда, метавонанд бори дигар ба Корея сафар кунанд”.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста