Дар Душанбе имсол сохтмони ду эстакада, яке дар маҳаллаи сирки давлатӣ ва дигар дар минтақаи маъруф ба “Мясокомбинат”, оғоз мешавад. Дар ин бора дирӯз, 10-уми феврали соли 2025, зимни нишасти хабарии шаҳрдории Душанбе иттилоъ дода шуд.
Ба гуфтаи Бахтиёр Шарифӣ, муовини аввали раиси шаҳри Душанбе, пеш аз оғози сохтмон бояд чанд мушкили асосӣ, аз ҷумла тамбашавии нақлиёт бояд ҳал шавад. Ӯ зикр кард, ки пеш аз шуруъи корҳои сохтмонӣ роҳҳои алтернативӣ бояд фароҳам шаванд.
“Бе сохтмони роҳҳои алтернативӣ мо ба тамбашавӣ ва бозисти ҳаракат рӯбарӯ мешавем”, - гуфт ӯ.
Ғайр аз ин, Муҳаммадюсуф Раҳимзода, роҳбари Раёсати сохтмони роҳҳои шаҳрдорӣ иттилоъ дод, ки “Лоиҳаи сохтмони эстакадаи дусатҳа дар хиёбони С.Шерозӣ (аз хиёбони Ҳ. Шерозӣ то буриши кӯчаи А.Қаҳҳоров)” бо Бонки аврупоии таҷдид ва рушд мувофиқа шуда, барои амалии ин лоиҳа бонк 90 млн евро ҷудо кардааст.
“Корҳои омодагӣ аллакай ба итмом расидаанд, сохтмон баъд аз 3-4 моҳ шуруъ мешавад”, - гуфт Раҳимзода.
Дар баробари ин , лоиҳакашии эстакадаи дусатҳа дар буриши кӯчаҳои Абай ва А. Қаҳҳоров дар маҳаллаи маъруф ба “Мясокомбинат” идома дорад. Дар доираи ин лоиҳа, шаҳрдорӣ бо як ширкати чинӣ созишнома бастааст ва он ба наздикӣ корҳои омодагиро дар ин минтақа оғоз мекунад.
Дар ин минтақа сохтмони 5 иншооти инфрасохтори нақлиётӣ дар назар аст. Онҳо дар буриши кӯчаҳои Соҳилӣ ва Ҷанубӣ бо сохтмони пул аз дарёи Душанбе, дар буриши кӯчаҳои А. Ҷомӣ ва А. Қаҳҳоров, Абай ва А. Қаҳҳоров, Саъдӣ Шерозӣ ва Ҳафизи Шерозӣ ва буриши кӯчаҳои Ҳабибулло Назаров ва Шерализода сохта мешаванд.
Бояд гуфт, ки созишнома оид ба маблағгузорӣ бо БАТР ҳанӯз моҳи апрели соли 2020 ба имзо расида буд. Он вақт гуфта мешуд, ки ҳаҷми қарз 28,45 млн евроро ташкил мекунад.
Дар доираи ин лоиҳа баланд бардоштани самаранокӣ ва беҳтар намудани ҳаракати воситаҳои нақлиёт, паст намудани ҳолатҳои тамбашавӣ ва таъмини бехатарии ҳаракати нақлиёт ва пиёдагардҳо дар ҳудуди шаҳри Душанбе ба нақша гирифта шудааст.
“Тартибро вайрон карда, хеста рафтанд”. Вазири корҳои хориҷии Тоҷикистон сабаби сабтином нашудани нозирони САҲА-ро шарҳ дод
Дар Тоҷикистон корхонаи коркарди нафт ба таври озмоишӣ ба кор оғоз кардааст
Ҷарроҳии зиёду сироятёбии камтар. Дар нишасти матбуотии Вазорати тандурустӣ чӣ гуфтанд?
Вазир гуфт, ҳарчанд хатти сарҳад бо Қирғизистон маълум шуд, вале “масъалаи роҳ ва объектҳои обӣ” то ҳол мавриди баррасӣ аст
Дар Тоҷикистон 280 ҳазор калонсолон аз давраҳои таълими касбӣ гузаштанд
Соли 2024 кӣ ба Тоҷикистон бештар аз ҳама кумак кард?
Раиси “Барқи тоҷик” тасдиқ кард, ки баланд бардоштани нархи барқро пешниҳод намудааст
Дар Душанбе панҷараи тирезаҳоро мекананд. Сармеъмори пойтахт шарҳ дод
“Аудиокитоб” бо Субҳон Ҷалилов. Маснавии маънавӣ. Ҳикояи “Султон Маҳмуд ва ғуломи ҳиндӣ”
Вазорати саноати Тоҷикистон сабабҳои коҳиши истеҳсоли нуриҳои минералиро шарҳ дод
Кулли ахбор
Авторизуйтесь, пожалуйста