Душанбе. 22-уми сентябр - Дар Донишгоҳи давлатии омӯзгории ба номи Садриддин Айнӣ бо кӯмаки Донишгоҳи «Дӯстии халқҳо» - и Федератсияи Русия мактаби такмили ихтисоси омӯзгорони забону адабиёти рус дар Тоҷикистон кушода шуд.

Дар мактаби мазкур ба омӯзгорони забону адабиёти рус дар Тоҷикистон олимон ва омӯзгорони Донишгоҳи «Дӯстии халқҳо» машғулият мегузаронанд. Ба ҳайати омӯзгорони Русия зимни кушодашави мактаби методӣ декани факултаи такмили ихтисоси омӯзгорони забони русӣ ҳамчун забони хориҷӣ Татяна Валихина, директори маркази усулҳои нави таълимию омӯзгории донишгоҳ Алла Денисова, мудири кафедраи забони русӣ Виктория Куриленко, профессори донишгоҳ Алексей Овчаренко, дотсенти кафедраи забони русӣ Алла Архангелская ва дигарон шомиланд.