Душанбе. 22-уми сентябр. ОИ «Азия-Плюс» - Доираҳои сиёсии Тоҷикистон рӯйи масъалаи он, ки оё дар ҳақиқат дар Тоҷикистон бисёрҳизбӣ мавҷуд аст, ба хулосаи мушаххасе омада натавонистанд. Рӯзи шанбеи ҳафтаи гузашта бо ташаббуси созмони ҷамъиятии «Журналист» ва ҳафтаномаи ҷамъиятиву сиёсии «Ҷомеа» дар толори Иттифоқи журналистони Тоҷикистон маҳз дар мавзӯи мазкур мизи мудаавар доир гардид.
Раиси Ассотсиатсияи сиёсатшиносони Тоҷикистон Абдуғанӣ Маҳмадазимов изҳор дошт, ки аз бисёрҳизбӣ дар Тоҷикистон ду омил шаҳодат медиҳад, ки яке аз онҳо ҳайати сеҳизбии парлумони ҷумҳуриву дигараш фарогирии минтақаҳо аз ҷониби ҳизбҳо мебошад.
Дар ҳамин ҳол, раиси Ҳизби Сотсиал-Демократии Тоҷикистон Раҳматилло Зойиров муҳимии масъаларо зикр намуда, изҳор дошт, ки мавҷудияти як қатор нерӯҳои сиёсӣ дар Тоҷикистон гувоҳи воқеияти бисёрҳизбӣ дар Тоҷикистон буда наметавонад. «Ман чун роҳбари ҳизб миёни ҳизбҳо рақобатро мушоҳида намекунам, мо бо мақомоти ҳокимият ва дастгоҳи ҳукуматӣ дар рақобат ҳастем», - гуфт ӯ.
Р.Зойиров ҳамчунин гуфт, агар ҳукумат ба муносибати дохилии аҳзоб дахолат надошта бошад, дар Тоҷикистон имкони ташаккули низоми тарзи дуҳизбӣ ё сеҳизбӣ мавҷуд аст. Қобили зикр аст, ки мизи мудаввар аз шумули яке аз чорабиниҳои сиёсиест, ки маблағгузории онро сафорати Бритониёи Кабир ба ӯҳда гирифтааст.
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
Кулли ахбор
Авторизуйтесь, пожалуйста