Нархи гази моеъ дар Тоҷикистон боз каме поин рафт. Агар як ҳафта пеш дар нуқтаҳои фурӯши сӯзишвории шаҳри Душанбе 1 литр газ 6 сомониву 40 дирам фурӯхта мешуд, пас имрӯз, 31 май он 6 сомониву 20 дирам нарх дорад.
Мувофиқи навиштаи лавҳаҳои электронии нуқтаҳои фурӯш, имрӯз нархи бензини АИ-92 - 10,80 сомони, АИ-95 - 11,30 сомонӣ муқаррар шуда, қаблан онҳо мутаносибан бо арзиши 11 ва 11,50 сомонӣ фурӯхта мешуданд.
Яъне нархи қариб ҳама навъҳои маводи сӯзишворӣ ба ҳисоби миёна 20 дирам поин рафтааст.
Дар ҳамин ҳол, арзиши сӯзишвории дизелӣ дар Душанбе бетағйир боқӣ монда, арзиши 1 литри он 11,80 сомонӣ ба фурӯш гузошта шудааст.
![](https://asiaplustj.info/sites/default/files/articles/312501/photo_2022-05-31_11-33-41.jpg)
Дар Суғд ҳам нархҳо поин рафтанд
Дар минтақаи шимоли ҷумҳурӣ низ нархи маводи сӯзишворӣ поин рафт: дар муқоиса бо ҳафтаи гузашта гази моеъ 20 дирам арзон шуд.
То 31 май 1 литр гази моеъ дар шаҳри Хуҷанд бо нархи 6,10 сомонӣ, бензини навъи АИ-92 - 10,80 сомонӣ, АИ-95 - 11,30 сомонӣ ва сӯзишвории дизелӣ - 11,80 сомонӣ фурӯхта мешуд.
Дар нуқтаҳои фурӯши сӯзишворӣ мегӯянд, нархи сӯзишворӣ аз ҷониби ширкатҳои бузурги воридкунанда паст шуда, поинравии нарх бештар ба ширкатҳои таҳвилгар вобаста аст.
Аммо коршиносони коршиносони бозори сӯзишворӣ поинравии нархи маводи сӯхтро ба болоравии қурби рубли русӣ нисбат ба доллар марбут медонанд.
Тибқи омори расмӣ, 86% маҳсулоти нафтӣ ба Тоҷикистон аз Русия интиқол дода шуда, ҳудуди 90%-и воридоти гази моеъ ба Қазоқистон рост меояд.
Дар гузашта аз Хадамоти зиддиинҳисории назди ҳукумат ҶТ гуфта буданд, ки маъмулан дар мавсими зимистон бинобар сабаби кам шудани талабот, нархи сӯзишворӣ поин меравад. Дар мавсими тирамоҳу баҳор бошад, баръакс, бо сабаби оғози корҳо дар бахши кишоварзӣ арзиши сӯзишворӣ боло меравад.
Қобили зикр аст, ки гароншавии маводи сӯзишворӣ дар нуқтаҳои фурӯш аз аввали моҳи март то охири моҳи апрели соли гузашта идома ёфта, лекин дар моҳи май вазъ дар бозор ба эътидол омад ва нархҳо каме поин рафтанд.
Идомаи сафари Қоҳир Расулзода ба Эрон. Ширкат дар ҳамоиши иқтисодии Баҳри Хазар ва мулоқот бо муовини аввали раисҷумҳури Эрон
“Бозбинӣ ва озод кунед”. Вакилони дифои Шокирҷон Ҳакимов ва Рухшона Ҳакимова аз болои ҳукми Додгоҳи олӣ шикоят бурдаанд
Варзишгарон ва муррабиёни беҳтарини соли 2024 маълум шуданд. Онҳо кистанд?
Коршиносони СММ: дар Афғонистон зиёда аз 20 гурӯҳи террористӣ мустақаранд
Фейк | “Муҳаммадсобир Файзов шартнома баста, ба ҷанги Украина меравад”
Чӣ симои пойтахтро коста мекунад?
Оғози музокироти Амрико ва Русия дар Риёз. Поёни ҷанг дар Украина дар меҳвари музокира хоҳад буд
Ҳар лаҳза аз нӯшокиҳои “АРК Саноат” лаззат баред
Ба 46 варзишгари тоҷик ҷоизаи президент дода шуд. Онҳо кистанд ва чӣ қадар мукофотпулӣ гирифтанд?
Хадамоти алоқа барои қабули арзу шикоят оид ба сифати алоқа ва интернет Маркази тамос таъсис дод
Кулли ахбор
Авторизуйтесь, пожалуйста