Ба президенти Тоҷикистон Эмомалӣ Раҳмон аз рафти сохтмони Нерӯгоҳи барқи обии “Себзор” (11 МВт) тариқи пахши мустақим аз майдонҳои сохтмони сарбанд ва нерӯгоҳ гузориши муфассал пешниҳод гардид.
Зимни ироаи гузориш ҳамчунин Раймундас Кароблис, сафири Иттиҳоди Аврупо дар Тоҷикистон ва Қозидавлат Қоимдодов, намояндаи доимии Шабакаи рушди Оқохон дар Тоҷикистон ширкат доштанд.
Пас аз шунидани гузориш, президент расман пули навсохтро дар ноҳияи Рошқалъа ифтитоҳ намуда, ба убури мошинҳои боркаш аз болои он иҷоза дод.
Ин пул, ки дар доираи лоиҳаи сохтмони Нерӯгоҳи барқи обии “Себзор” бунёд шудааст, дорои иқтидори борбардории 40 тонна мебошад. Ин иншоот натанҳо барои осон кардани интиқоли бор ва масолеҳи зарурӣ барои сохтмони НБО-и “Себзор” истифода мешавад, балки ҳамчун пайванди муҳим байни деҳаҳои ҳамсоя дар ҳар ду соҳили дарёи Шоҳдара хидмат карда, нақши иҷтимоии муҳимро иҷро мекунад.
Лоиҳаи сохтмони нерӯгоҳи барқи обии “Себзор” бо риояи намунавии стандартҳои экологӣ, иҷтимоӣ ва идоракуниаш эътирофи байналмилалӣ пайдо кардааст. Ин аввалин лоиҳаест, ки ба стандарти устувории гидроэнергетикии Ассотсиатсияи байналмилалии гидроэнергетика ва ҷоизаи бонуфузи тиллоии он ноил шудаст. Ин дастовард собит мекунад, ки дар амаликунии лоиҳа манфиатҳои ҷамоатҳои маҳаллӣ пурра ба назар гирифта шудаанд.
Илова ба пули навифтитоҳшуда, лоиҳа инчунин ба бунёди инфрасохтори муҳимми иҷтимоӣ, ки ба беҳтар кардани сифати зиндагии мардум дар минтақа нигаронида шудааст, мусоидат менамояд. Аз ҷумла, бунёди ду майдончаи варзишии замонавӣ, ки шароити фароғат барои ҷавонон фароҳам мекунад ва сохтмони мактаби нав дар деҳаи Барҷангал, ки барои 200 хонанда пешбинӣ шудааст. Баъдан, лоиҳа ҳамчунин рушди шабакаи муосири обтаъминкуниро дар бар мегирад, ки дастрасии аҳолии маҳалро ба оби тоза ва доимӣ таъмин менамояд.
Тавассути ин ташаббусҳо, Лоиҳаи сохтмони нерӯгоҳи барқи обии “Себзор” на танҳо ба тавлиди нерӯи барқ мусоидат мекунад, балки шароити зиндагӣ ва сохтори иҷтимоии ҷамоатҳои гирду атрофро ба таври назаррас беҳтар мекунад.
Бояд гуфт, ки лоиҳаи “Себзор” дар ҳамкорӣ бо ҳукумати Тоҷикистон бо дастгирии молиявӣ ва техникии Иттиҳоди Аврупо ва ҳукумати Олмон тавассути Бонки Олмонии KFW амалӣ мегардад.
Қирғизистон насби ёдгориҳо дар қабристони мусулмононро манъ мекунад
Таъмини деҳоти кишвар бо барқ. Эмомалӣ Раҳмон лоиҳаҳои таъмини нерӯи барқро дар ВМКБ ифтитоҳ кард
“Барои модарони ҷавонони гумроҳ ғамгин мешавам”. Муфтии Тоҷикистон ба саволҳои шаръии онлайн посух дод
Дар Тоҷикистон Рӯзҳои фарҳанги Қатар оғоз мешаванд
Сайфуллоҳи Муллоҷон: Бо ҳама каму косташ таъсиси Тоҷикистони Шӯравӣ ҳодисаи бузурги таърихи мо аст
“Аудиокитоб” бо Субҳон Ҷалилов. Маснавии маънавӣ. Ҳикояи “Оқибатандешии заргар”
Дар Тоҷикистон ҳудуди 100 ҳазор тонна ангур ҷамъоварӣ шуд
ВАО: Дар Русия зиндониён аз Тоҷикистону Ӯзбекистонро ба даст кашидан аз шаҳрвандӣ ва ба ҷанг рафтан маҷбур мекунанд
Иҷозатномаи электронӣ барои ҷашну маросим. Ин чӣ аст ва онро чӣ гуна метавон ба даст овард?
Ба корхонаҳои Хоҷагии манзилию коммуналӣ 4 млн доллар қарзи андозро бахшиданд
Кулли ахбор
Авторизуйтесь, пожалуйста