Душанбе. 23-уми сентябр - Тӯфони баҳрии «Хагупит», ки дар уқёнуси Ором ба вуҷуд омада буд, айни ҳол ба соҳилҳои ҷанубии Чин наздик мешавад. Тӯфон ҳоло аз соҳилҳои ҷанубии Чин дар масофаи 380 километр қарор дорад.

Тибқи хабарҳои расида, дар маҳалҳои истиқоматии ҷануби Чин боғчаҳои бачагона ва мактабҳо баста шуданд. Мақомоти дахлдори вилоятҳои сераҳолии Гуандун ва Гуанси – Чжуанси барои то ҳадди имкон кам кардани зарари тӯфон тадбирҳо меандешанд.

Ба қавли ҳавошиносон, тӯфони мазкур ба киштиҳои моҳидорие хавфи калон дорад, ки айни ҳол дар баҳри Чини ҷанубӣ ба шикори моҳӣ машғуланд. Ба киштиҳо дастур дода шудааст, ки фавран ба бандарҳо баргарданд.